قايرات نۇرتاس ەش جەردە ايتپاعان سىرىمەن ءبولىستى
بۇل ادەتى ءۇشىن دە ومىردەن كوپ وپىق جەپ، تالاي وكىنگەن-دى. الايدا ءانشى قايرات نۇرتاس بۇل جولى سىرىن ءوزى اشىپ، وسىدان جيىرما جەتى جىل بۇرىن اناسىنىڭ اجال اۋزىنان الىپ قالعانى تۋرالى ايتىپ بەردى، - دەپ جازادى stan.kz.
بۇل تۋرالى جۋرناليست مايا بەكبايەۆانىڭ «جان سىرىم» باعدارلاماسىندا باياندادى.
قايرات نۇرتاستىڭ ساحنا تورىنە شىعىپ، ەرەكشە تانىمال بولۋىنا اناسىنىڭ كوپ ەڭبەگى سىڭگەن. بالاسى ءان سالىپ جۇرگەندە، اناسى شوۋ-بيزنەستەگى بار ماسەلەنى ءوزى رەتتەدى. باسەكە مەن باقتالاستىق سىنعا تۇسكەن زاماندا قايراتتىڭ ادامگەرشىلىك سىندى قاسيەتىن جوعالتىپ الماۋىنا سەپتىگىن تيگىزدى. ءانشىنىڭ ءوزى دە «ءبارى تەك مەنىڭ ەمەس، انامنىڭ ارقاسى. مەندە تالانت پەن حالىققا بەرەرىم، باسىمدا قۇدايدىڭ بەرگەن باعى بار. ال جۇمىستىڭ بارلىعىن ىستەپ، شىرىلداپ جۇرگەن مەنىڭ اناشىم. ءوز بالاسى ءۇشىن نەگە شىرىلداماسقا» دەپ كوپ ەڭبەكتىڭ اناسىنا تيەسىلى ەكەنىن ايتتى.
راسىمەن دە، اناسى دۇرىس جول سىلتەپ، ونەرگە باعىتتاپ قانا قويعان جوق. ءسابيى دۇنيەگە كەلگەلى ونىڭ تىنىشتىعىن قورىپ كەلدى. وسىدان 27 جىل بۇرىن قايرات نۇرتاس دۇنيەگە كەلگەندە، پەرزەنتحانا ورتكە ورانعان ەكەن. «مەنى بوسانعان سوڭ انام ەكى ساعاتتان كەيىن تۇرىپ، جۇگىرىپ كەتكەن. پەرزەنتحانادا ءورت باستالعان، سابيلەر بولسا بولەك بولمەدە جاتىر. انام ماعان قاراي جۇگىرىپ كەلسە، كوپ كىشكەنتاي بالالار جاتىر ەكەن. قايسىسى ءوزىنىڭ بالاسى ەكەنىن بىلمەيدى. سونىمەن ماعان ۇقسايتىن ەكى ءسابيدى الىپ جۇگىرگەن. قاراسا بىرەۋى ۇقسايدى، ەكىنشىسى ونشا كەلىڭكىرەمەيدى. انامنىڭ ەندى بارىنشا تىرىسقانى عوي. سول ورتتەن امان الىپ قالدى. ءبىراق وسى ۋاقىتقا دەيىن انام مەن ءۇشىن كوپ ەڭبەك ەتتى» دەپ بولاشاقتا اناسىنىڭ ۋايىم- قايعىسىز ءومىر سۇرۋىنە بارلىق جاعدايدى جاساعىسى كەلەتىنىن ايتتى.
