الماتىنىڭ مەرەيتويىنا حالىقارالىق جىر ءمۇشايراسى وتەدى
ءمۇشايرانىڭ ماقساتى - سان عاسىرلىق تاريحى بار، ازاتتىقتىڭ التىن بەسىگى بولعان الماتى قالاسىن جىرعا قوسۋ ارقىلى جاڭا زامان ادەبيەتىنىڭ بۇگىنگى كۇن تاقىرىبىنا ساي تىڭ دۇنيەلەرمەن تولىعۋىنا جانە تەرەڭ تاريحىمىزدىڭ كوركەم شەجىرەسىنىڭ جازىلۋىنا، سونداي-اق، رۋحاني ۇلتتىق مۇرامىز بەن ەلدىك- ەرلىك قۇندىلىقتارىمىزدى ۇلىقتاۋعا، وقىرماندى يماندىلىققا، بىرلىككە شاقىراتىن، تۋعان ەلىن، وتانىن سۇيۋگە ۇندەيتىن شىعارمالاردىڭ دۇنيەگە كەلۋىنە ۇيىتقى بولۋ.
ءمۇشايراعا الماتى قالاسىنىڭ عاسىرلار قويناۋىنداعى تاريحي ساتتەرىن، جەڭىستى، جەمىستى كەزەڭدەرىن، سونىمەن قاتار، قازىرگى كۇننىڭ كوكەيكەستى ماسەلەلەرىن ارقاۋ ەتەتىن، بۇرىن ەش جەردە جارياانباعان پوەزيالىق شىعارمالار قابىلدانادى. بايگەگە ەلىمىزدەگى جانە شەتەلدەردەگى قازاق اقىندارى قاتىسا الادى.
ۇمىتكەرلەر شىعارمالارىن كومپيۋتەردە تەرىپ، ءۇش داناسىن بۇركەنشىك اتپەن تومەندەگى مەكەن- جايعا جىبەرۋى كەرەك. ال ۇمىتكەر تۋرالى تولىق مالىمەت (اۆتوردىڭ اتى-ءجونى، مەكەن- جايى، بايلانىس تەلەفونى) ارنايى بولەك كونۆەرتكە سالىنىپ، شىعارمامەن بىرگە جولدانۋى ءتيىس.
ءمۇشايراعا ءار اۆتوردان ءۇش ولەڭ قابىلدانادى. شىعارمالار 14- كەگلمەن تەرىلىپ، (ارالىق ينتەرۆال 1,5)، 5 بەتتەن اسپاۋى كەرەك.
ەكى ولەڭ الماتى قالاسىنا ارنالۋى شارت. ءۇشىنشى ولەڭ ەركىن تاقىرىپتا. شىعارمالار 2016 -جىلدىڭ 31 -ناۋرىزىنا دەيىن قابىلدانادى.
شىعارمالار الماتى قالاسى، ابىلاي حان داڭعىلى، 105 ۇيگە، 25-كابينەتكە جولدانۋى كەرەك.
باس بايگە بىرەۋ، ءبىرىنشى ورىن - بىرەۋ، ەكىنشى ورىن - ەكەۋ، ءۇشىنشى ورىن - ەكەۋ.
ءمۇشايرا قورىتىندىسى ءساۋىر ايىنىڭ ورتاسىندا جاريالانىپ، ماراپاتتاۋ ءراسىمى وتەدى.
«ۇلت اقپارات»
