قىتايدىڭ اۋقىمدى قۇرىلتايىندا قانداسىمىز ماسەلە كوتەردى

استانا. قازاقپارات - قىتايدا «ەكى ءماجىلىس» دەگەن اتپەن اۋقىمدى مەملەكەتتىك جيىن ءوتىپ جاتقانى بەلگىلى.

ونىڭ ءبىرى - مەملەكەتتىك ساياسي كەڭەستىڭ 12-كەزەكتى 4 -رەتكى ءماجىلىسى. ول ناۋرىزدىڭ 3-كۇنى اشىلسا، 12 -كەزەكتى حالىق قۇرىلتايىنىڭ 4 -ءماجىلىسى ناۋرىزدىڭ 5 -كۇنى باستالدى. وسى ەكى جيىندا قىتايداعى قانداسىمىز، قىتاي مەملەكەتتىك ساياسي كەڭەستىڭ تۇراقتى مۇشەسى ماۋكەن سەيتقامزا ۇلى جىلقى شارۋاشىلىعى تۋرالى ماسەلە كوتەرگەن ەدى.

مال شارۋاشىلىعىنىڭ ىشىندە جىلقى تۇلىگىن ءوسىرۋدىڭ ماڭىزى ەرەكشە زور. ويتكەنى، شىڭجاڭدا 8 ميلليون باستىڭ ۇستىندە جىلقى بار بولىپ، مەملەكەت بويىنشا ەڭ ۇلكەن جىلقى وسىرەتىن ءوڭىر سانالادى. شىڭجاڭدا جىلقىنىڭ ەتى مەن ءسۇتى ادامداردىڭ كۇندەلىكتى تۇرمىسىندا كەم بولسا بولمايتىن ازىق- تۇلىك تۇتىنۋ قاجەتى. بۇدان تىس، قازىر دەنە- تاربيە، بايگە ويىن تۇرلەرى سىندى ۇلتتىق ءداستۇرلى مادەنيەتتى دامىتۋعا بايلانىستى، جىلقىعا بولعان قاجەت بارعان سايىن ارتۋدا. الايدا، جىلقى تۇلىگى توقتاۋسىز جەم-ءشوپ جەيدى. بۇل ەكونوميكالىق جاعدايى ونىسىز دا ءالسىز مالشىلارعا اۋىر. وسى وزەكتى ماسەلە جونىندە «جۇڭگو قازاق راديو تورابىنا» سۇحبات بەرگەن مەملەكەتتىك ساياسي كەڭەستىڭ تۇراقتى مۇشەسى ماۋكەن سەيتقامزا ۇلى: «جىلقىنىڭ جەم- شوبىنە، ءناسىلىن جاقسارتۋعا، جىلقى دەرت- دەربەزدەرىنىنىڭ الدىن- الۋعا، شەتتەن ءناسىلدى جىلقىلاردى ەنگىزىپ، سول ارقىلى جەرلىك جىلقىلاردى بۋدانداستىرۋ، ءناسىلدى تۇقىمداردى ەنگىزۋگە مەملەكەت قولداۋ كورسەتسە» دەيدى.

Baq.kz