13:06, 09 - ناۋرىز 2016 | GMT +5
اۋەگە كوتەرىلەر ساتتە دوڭعالاعى ۇشىپ كەتكەن ۇشاق امان- ساۋ قوندى
استانا. قازاقپارات - تۇمەننەن ۇشىپ كەتىپ بارا جاتقاندا شاسسي دوڭعالاقتارىنىڭ ءبىرى ۇشىپ كەتكەن Boeing جولاۋشىلار ۇشاعى سول اۋەجايعا قايتا ءساتتى قوندى،
دەپ حابارلادى «ينتەرفاكسقا» ءوڭىردىڭ جەدەل قىزمەتى.
«ۇشاق «روشينو» (تۇمەن) اۋەجايىنا اپاتتى جاعدايدا قونۋعا ءماجبۇر بولدى. ەشكىم زارداپ شەككەن جوق»، - دەپ حابارلاعان دەرەككوز.
بۇدان بۇرىن اۋەجايدان جاڭا ۋرەنگويعا بەت العان Boeing-737 ۇشاعى ۇشىپ شىققاننان كەيىن ۇشۋ- قونۋ جولاعىنان شاسسيدىڭ وڭ جاق دوڭعالاعى تابىلعان. ول ەكپىن الۋ كەزىندە ءتۇسىپ قالعان بولۋى مۇمكىن. وسىدان سوڭ رەيستى قايتارىپ، ۇشاقتى اۋەجايعا قايتا قوندىرۋ تۋرالى شەشىمى قابىلداندى.
بورتتا 180-نەن استام جولاۋشى بولعان.
