الماتى جۇرتشىلىعى ابىلسەيىت ايقانوۆتى اقتىق ساپارعا شىعارىپ سالدى
قارالى جيىنعا كەلگەن قاۋىمعا الماتى قالاسىنىڭ اكىمى باۋىرجان بايبەك قازاقستان رەسپۋبليكاسى پرەزيدەنتىنىڭ كوڭىل ايتۋ حاتىن وقىپ بەردى:
«ابىلسەيىت ايقانوۆ بۇرىنعى كەڭەس وداعىنىڭ اۋقىمىندا عانا ەمەس، كوپتەگەن حالىقارالىق جارىستاردا جەڭىمپاز اتانۋ ارقىلى زور جەتىستىكتەرگە قول جەتكىزگەن اسا ۇلكەن دارىن يەسى ەدى. ءا. ايقانوۆ ءوز جەڭىستەرى ارقىلى حالقىمىزدىڭ رۋحىن كوتەرىپ، جاستاردىڭ سپورتتىڭ وسى تۇرىمەن اينالىسۋىنا ىقپال ەتتى. كوپتەگەن جاس وعان ەلىكتەپ سالاماتتى ءومىر سالتىن ۇستانۋعا، قاجىرلى، قايراتتى بولىپ وسۋگە تالپىندى. بىلىكتى باپكەر رەتىندە دە كوپتەگەن داڭقتى سپورتشىلاردى تاربيەلەپ، ءوسىردى. سپورتتاعى جەتىستىكتەرى ءۇشىن ءتۇرلى ماراپاتتارعا يە بولدى»، - دەلىنگەن جەدەلحاتتا.
ابىلسەيىت رۇستەم ۇلى ايقانوۆ ەركىن كۇرەستەن حالىقارالىق دارەجەدەگى سپورت شەبەرى، قازاقستاننىڭ 11 دۇركىن چەمپيونى، قازاقستان رەسپۋبليكاسىنىڭ ەڭبەك سىڭىرگەن باپكەرى، ك س ر و- نىڭ «قۇرمەت بەلگىسى» وردەنىنىڭ يەگەرى.
ول 1938 -جىلدىڭ 15 - ساۋىرىندە الماتى وبلىسى، سارقاند اۋدانى، پوكاتيلوۆكا اۋىلىندا دۇنيەگە كەلگەن. 1963 -جىلى قازاق مەملەكەتتىك دەنە شىنىقتىرۋ ينستيتۋتىن ءتامامداعان.
1957-1970 ج ج. ءار ءتۇرلى دەڭگەيدەگى جارىستاردىڭ جەڭىمپازى اتانىپ، ولجالى ورالىپ وتىرعان.
سپورتتىق كارەراسىن اياقتاعان سوڭ باپكەرلىكپەن اينالىسقان.
ءا. ايقانوۆتىڭ شاكىرتتەرىنىڭ اراسىندا حالىقارالىق دارەجەدەگى سپورت شەبەرى ا. بۇعىبايەۆ، سپورت شەبەرلەرى ج. كوپەبايەۆ، ن. نۇرمانوۆ، ا. مۇسابەكوۆتەر بار.
1983-1986 ج ج. ەركىن كۇرەستەن اۋعانستاننىڭ ۇلتتىق كومانداسىنىڭ جاتتىقتىرۋشىسى بولىپ، 22 حالىقارالىق سايىستاردىڭ جەڭىمپازىن، ءتورت حالىقارالىق دارەجەدەگى سپورت شەبەرىن تاربيەلەدى.
ءا. ايقانوۆ سپورتتىڭ دامۋىنا زور ۇلەس قوستى. ول ۇلتتىق وليمپيادا كوميتەتىنىڭ مۇشەسى، قازاق ۇلتتىق «كۇرەس» فەدەراتسياسىنىڭ پرەزيدەنتى، ەركىن كۇرەستەن ورتا ازيا مەن قازاقستانداعى ۇلتتىق «كۇرەس» فەدەراتسياسىنىڭ ۆيتسە- پرەزيدەنتى، موڭعول حالقىنىڭ كۇرەستەن «كونساتاي» ۇلتتىق فەدەراتسياسىنىڭ ۆيتسە- پرەزيدەنتى جانە الماتى وبلىسىنىڭ قۇرمەتتى ازاماتى بولعان.
اۆتور: گۇلميرا عوسمانالي
