سۋ تيسە بۇلىنبەيتىن، جىرتىلمايتىن قۇران باسىلىپ شىقتى
ياعني، «بولاشاق قاعازى» اتانىپ كەتكەن بۇل قاعاز پوليمەرمەن جەلىمدەلگەن كالتسي كاربوناتىنان جاسالعان دەپ حابارلايدى islam.kz.
ول سۋدان بۇلىنبەيدى، جىرتىلمايدى، جۇمارلانبايدى. بۇعان قوسا، قورشاعان ورتاعا ەش زيانى جوق. ياعني، قاعاز ءۇشىن ورمان-توعايدى وتاۋدىڭ قاجەتى جوق.
«الەمدە بۇگىنگى تاڭدا ساندىق تەحنولوگيا وركەندەپ كەلە جاتقانىمەن ءالى دە اقپاراتتى قاعازدا ساقتاۋ، تاراتۋ، ت. ب. كەڭىنەن پايدالانۋدا. ول ول ما، وتكەن عاسىر دەگەنىمىزبەن كوپ ۋاقىت وتە قويماعان 1980-جىلدارمەن سالىستىرعاندا قازىرگى ۋاقىتتا ادامزات قاعازدى ءۇش ەسە كوپ پايدالانادى. ول ءوز كەزەگىندە قورشاعان ورتاعا وراسان زيانىن تيگىزۋدە. «تاس قاعازدان» جاسالعان قۇران جوعارعى تەحنولوگيالىق جانە ەكولوگيالىق ەرەكشىلىگىمەن نازار اۋدارتادى. ول كالتسي كاربوناتىنان نەمەسە بوردان جاسالادى. ءبىز ونى وپا-دالاپ سەكىلدى ابدەن ۇنتاقتايمىز، سودان كەيىن ونى مىقتى ءارى ۋلى ەمەس پوليەتيلەنمەن بىرىكتىرەمىز دە قاعاز جاسايمىز»، - دەدى اتالمىش كومپانيا ديرەكتورى دجون زاندجاني.
