قازاق قىزى پاريجدىڭ قاق ورتاسىندا قازاق ۇلتتىق تاعامدارىن دايىندايتىن مەيرامحانا اشىپ قويدى
ولار پاريجدە ورنالاسقان قازاق ۇلتتىق تاعامدارىن دايىندايتىن Chez Mademoisselle مەيرامحاناسىنىڭ يەلەرى دەپ جازادى اقجول باسىلىمى.
جالپى، فرانسيا - ەجەلدەن مەيرامحانا ىسىمەن تانىلعان ەل. ستاتيستيكا بويىنشا وندا رەسمي تۇردە تىركەلگەن 77856 مەيرامحانا بار. ونىڭ 15 مىڭعا جۋىعى ءبىر عانا پاريج قالاسىندا ورنالاسقان. وسىنشاما مەيرامحانانىڭ ىشىنەن ەڭ تاڭداۋلى دەگەن مىڭنان استامى عانا «ميشلەن» دەپ اتالاتىن پاريجدىك مەيرامحانالار انىقتامالىعىنا ەنەدى. وسىدان-اق بۇل سالاداعى باسەكەلەستىكتى باعامداۋعا بولادى. ال قازاقتىڭ جال-جاياسى مەن قۋىرداعى، ىستىق باۋىرساعى ارقىلى تانىلعان Chez Mademoisselle مەيرامحاناسى - وسى انىقتامالىققا ەنگەن بىرەگەي مەيرامحانا.
بۇل انىقتامالىق تىزىمىنەن كورىنۋ ءۇشىن ىرىكتەۋ جاسىرىن ساراپشىلار ارقىلى جاسالادى. ولار كەز كەلگەن كۇنى ءدامحاناعا بارىپ، ول جاقتىڭ تاعامدارىنا عانا ەمەس، ىدىس-اياعىنىڭ قويىلعانىنان باستاپ، اجەتحانا تازالىعىنا دەيىن باعا بەرەدى. تاعامىمەن ءتىل ءۇيىرىپ قانا قويماي، سان ءتۇرلى تالاپتاردان سۇرىنبەي وتكەن Chez Mademoisselle مەيرامحاناسىندا قازاق تاعامدارىمەن قاتار، ورتالىق ازيا حالىقتارىنىڭ ۇلتتىق تاعامدارى دايىندالادى.
ەندەشە، شەتەلدە ۇلتىمىزدىڭ ۇلتتىق تاعامىن ۇلىقتاپ، پاريجدىكتەردى تامساندىرىپ جۇرگەن قازاق قىزى گاۋحار مەن لورانعا ءبىزدىڭ اعايىندار دا، فرانسۋزدار دا رازى دەپ جازدى باسىلىم.
