جانكۇيەر قازاقستان سۋپەركۋبوگى ماتچىندا سۇيىكتىسىنە سەزىمىن ءبىلدىردى

استانا. قازاقپارات - ەلوردالىق جانكۇيەر كەشە «استانا» كومانداسى مەن الماتىلىق «قايرات» كومانداسىنىڭ اراسىندا وتكەن قازاقستان سۋپەركۋبوگى ماتچىنىڭ ءۇزىلىسى كەزىندە سۇيىكتىسىنە سەزىمىن ءبىلدىردى.

كۋاگەرلەردىڭ ايتۋىنشا، جاس جىگىت «استانا-ارەنا» ستاديونى الاڭى ورتاسىنا ءبىر قۇشاق گۇل الىپ شىققان. كەيىن تىزەرلەپ تۇرىپ، سۇيىكتىسىنەن وعان تۇرمىسقا شىعۋىن سۇراعان. ال جاس ارۋ وعان كەلىسىمىن بەرگەن.

ەسكە سالا كەتەيىك، 2016-جىلعى قازاقستان سۋپەركۋبوگىن «قايرات» كومانداسى جەڭىپ الدى. ولار ەلوردالىق «استانانى» 5:4 ەسەبىمەن قاپى قالدىردى.