ۇيقىسى قانعان ادام سىرت كوزگە اقىلدى، پاراساتتى بولىپ كورىنەدى - عالىمدار

 استانا. قازاقپارات - جاڭا زەرتتەۋ ۇيقىسى قانعان وقىتۋشىلار بارىنشا اقىلدى، ال جۇمىس بەرۋشىلەر پەرسپەكتيۆالى بولىپ كورىنەتىنىن، سونداي- اق ولاردىڭ جۇمىس قابىلەتتىلىگى ارتاتىنىن كورسەتتى،

 دەپ جازادى planet-today.ru.

زەرتتەۋشىلەردىڭ پىكىرىنشە، ۇيقىسى قانعان ادامداردىڭ قاباعى كوتەرىڭكى بولىپ، تۇنجىراپ جۇرمەي، كوڭىلدى جۇرەدى. ءارى بارىنشا اقىلدى، تارتىمدى بولىپ كورىنەدى.

سەنت- ەندريۋس (شوتلانديا) ۋنيۆەرسيتەتىنىڭ پسيحولوگتار توبى 190 ادامدى زەرتتەۋدەن وتكىزدى. ولاردىڭ بەت- ءپىشىنى ارنايى باعدارلاما ارقىلى زەرتتەلىپ، كوڭىل- كۇيلەرى تارازىعا سالىندى.

 سوسىن، 200-دەن استام ادامنان تۇراتىن ساراپتامالىق توپتان وسى ادامداردىڭ تارتىمدىلىعى مەن پاراساتىن باعالاۋدى سۇرادى. ناتيجە قاباعى ءسال تۇسىڭكى، شارشاڭقى تارتقان ادامنىڭ اقىل- پاراساتى تومەن بولىپ كورىنەتىنىن كورسەتتى. عالىمدار سول قاتىسۋشىلاردىڭ ۇيقىسى قانىپ ويانعان كەزدەگى سۋرەتى مەن ءجوندى ۇيىقتاماعاننان كەيىنگى سۋرەتتەرىن كورسەتكەن. قاباعى سالىڭقى، تۇنجىراڭقى ادامداردا زياتكەرلىك قاسيەت تومەن بولىپ كورىنگەن.