اۋلا سىپىرۋشى اكەسىمەن ماقتانعان قىز جەلىنىڭ جۇلدىزى بولدى
بۇل تۋرالى شەتەلدىك بۇقارالىق اقپارات قۇرالدارىنا سۇيەنگەن ras.kz حابارلادى.
ينتەرنەت ارقىلى كەڭ دۇنيەگە جەلدەي ەسىپ تاراي جونەلگەن اقپاردىڭ سوڭىن الا ءبىرقاتار جەرگىلىكتى تەلەارنالار مۇنى جاڭالىق رەتىندە كورسەتە باستادى.
الجيرلىك جاس قىز قالا كوشەلەرىنىڭ تازالىعىنا جاۋاپ بەرەتىن اكەسىمەن بىرگە سۋرەتكە تۇسكەن. اكەسى وندا ءوزىنىڭ جۇمىس كيىمىمەن تۇر. ال پاراساتتى قىز ءراسىمنىڭ استىنا: «مەنى وسىرگەن، ەركەلەتكەن جانە وقىتقان ءوزىمنىڭ اياۋلى اكەممەن ماقتانامىن»، - دەپ جازىپتى.
مىنە، ءدال وسى سوزدەر الەۋمەتتىك جەلىدەگى ءجىتى كوزدى كىسىلەردى قاتتى تاڭ قالدىرعان. ولار بالالاردىڭ ءبارى بىردەي بۇلايشا قارا جۇمىس ىستەپ جۇرگەن اكەلەرىن كوپشىلىككە كورسەتىپ، تانىستىرۋعا باتىلدىق جاساي بەرمەيتىنىنە نازار اۋدارعان.
«كەيبىر بالالار جول بويىنىڭ شاڭىن بۇرقىراتىپ، سىپىرعىمەن سىپىرىپ جۇرگەن اكەلەرىنىڭ سۋرەتتەرىن بۇلايشا كورسەتۋگە ۇيالار ەدى. ال بۇل قىز بالا اتا-اناعا قانداي كوزقاراسپەن قاراۋ كەرەك ەكەنىن كورنەكى تۇردە كورسەتىپ بەردى»، - دەلىنگەن حابارلامادا.
