فۋتبول: «قايرات» سۋپەركۋبوك يەگەرى اتاندى

استانا. قازاقپارات - «استانا ارەنا» ستاديونىندا قازاقستان فۋتبولىنىڭ جاڭا ماۋسىمى باستالۋىنا وراي ءوتىپ جاتقان سۋپەركۋبوك ماتچىندا «قايرات» پەنالتي كەزەڭىندە «استانانى» سان سوقتىردى.

ويىننىڭىڭ نەگىزگى ۋاقىتىندا «استانا» مەن الماتىلىق «قايرات» اراسىندا ەسەپ اشىلعان جوق.

وسىعان وراي، باس تورەشى ەكسترا- تايم جاريالادى، الايدا قوس كوماندا ەكسترا- تايمدا دا ءبىر- ءبىرىنىڭ وسال تۇسىن تابا المادى.

ال پەنالتي كەزەڭىندە 5:4 ەسەبىمەن «قايرات» العا شىقتى.

ويىنعا وزبەكستاندىق قازى راۆشان يرماتوۆ تورەلىك ەتتى.

ايتا كەتەرلىگى، بۇل وسى ماۋسىمداعى العاشقى ماتچ. «قايرات» ءوز تاريحىندا ەل كۋبوگىن 7 مارتە جەڭىپ، سۋپەركۋبوك فينالىنا وسىمەن ەكىنشى رەت شىققان بولاتىن.

بىلتىرعى جىلى «استانا ارەنادا» سۋپەركۋبوكقا تالاسقا «استانا» مەن «قايرات» شىعىپ، پەنالتي سەرياسى بويىنشا ەلوردالىقتار جەڭىسكە جەتكەن بولاتىن.

 اۆتور:  قانات مامەتقازى ۇلى