قازاقستاندىق ايەلدەردىڭ بويىنان شىعىستىڭ ءداستۇرلى تۇرمىس سالتى مەن ەۋروپالىق ويلاۋ قابىلەتىن بايقاۋعا بولادى - ا. ايداربايەۆ
«ايەل بولۋ، انا بولۋ، بىرەۋگە ءومىر مەن ماحاببات سىيلاۋ، ءۇي ءىشىنىڭ جاراستىعى مەن ىنتىماعى، مۇنىڭ ءبارى شىن مانىندە، ايەل ادامعا تاعدىردىڭ بەرگەن ەڭ ۇلكەن سىيى. ءبىزدىڭ بويىمىزداعى ەڭ ابزال قاسيەتتىڭ ءبارى انا سۇتىمەن سىڭگەن. سىزدەر - ەلىمىزدىڭ ادامي بايلىعى مەن بولاشاعىنىڭ التىن كەنىسىزدەر! قىزمەتتەرىڭىزدىڭ سان الۋاندىعىنا قاراماستان، ايماقتىڭ قوعامدىق جانە ەكونوميكالىق دامۋىنا كۇن سايىن ءوز ۇلەستەرىڭىزدى قوسىپ، ۇرپاعىڭىزعا لايىقتى تاربيە بەرۋ مەن سالاماتتى ءومىر سالتىن قالىپتاستىرۋعا، وتباسىلىق قۇندىلىقتار مەن قازاقستاندىق پاتريوتتىقتىڭ بىرىگەيلىگىن ناسيحاتتاۋعا باعىتتالعان ساياسي ومىرگە بەلسەندى ارالاسىپ جۇرسىڭىزدەر.
بۇگىندە زاماناۋي قازاقستاندىق ايەلدەردىڭ بويىنان شىعىس ەلدەرىنىڭ ءداستۇرلى تۇرمىس سالتى مەن ەۋروپالىق ويلاۋ قابىلەتىن بايقاۋعا بولادى. ماڭعىستاۋ وبلىسىندا 12 مىڭ كومپانيا بولسا، سونىڭ 4 مىڭعا جۋىعىنا نازىك جاندىلار باسشىلىق ەتىپ كەلەدى»، دەلىنگەن حابارلامادا.
ءسوز سوڭىندا وبلىس اكىمى: «كوكتەمنىڭ جىلى لەبىمەن كەلگەن مەرەيلى مەرەكەلەرىڭىزبەن قۇتتىقتايمىن!
ەڭبەكتەرىڭىز جەمىستى، مەرەيلەرىڭىز ۇستەم بولسىن! شىرايلى جۇزدەرىڭىزدەن كۇلكى كەتپەي، ومىرلەرىڭىز تەك قانا قۋانىش پەن باقىتقا تولى بولسىن!» - دەپ، لەبىزىن بىلدىرگەن.
