ماڭعىستاۋلىق بەس دزيۋدوشى رەسپۋبليكالىق جارىستا جەڭىمپاز اتاندى - فوتو

اقتاۋ. قازاقپارات - ماڭعىستاۋلىق سپورتشىلار ورال قالاسىندا دزيۋدودان وتكەن رەسپۋبليكالىق جارىستان ورالدى.

ەكى كۇندىك تۋرنير حالىقارالىق ايەلدەر كۇنىنە ارنالىپ وتكىزىلدى، ونىڭ قورىتىندىسى 6- ناۋرىزدا شىعارىلدى.

جارىسقا باتىس قازاقستان، ماڭعىستاۋ، اتىراۋ وبلىستارىنىڭ، شىمكەنت، اقتوبە،  قىزىلوردا قالالارىنىڭ 2003-2005-جىلعى 200 سپورتشىسى قاتىستى. ماڭعىستاۋ وبلىسىنىڭ قۇراماسىنا 17 دزيۋدوشى كىردى. بەس ماڭعىستاۋلىق سپورتشى 2 التىن، 2 كۇمىس جانە 1 قولا جۇلدەگە يە بولدى.

جەتكىنشەكتەر ءبىرىنشى مارتە رەسپۋبليكالىق جارىسقا قاتىستى. التىن مەدالدى جاسۇلان اساروۆ ( «جاستار» سپورت مەكتەبى، 55 كەلى سالماقتا)، ەردوس بەگايدار ۇلى (شەتپە كەنتى، 26 كەلى) الدى. كۇمىس جۇلدەگە مەيرامبەك الدابەرگەن («جاستار» سپورت مەكتەبى، 50 كەلى سالماقتا) جانە ماعجان اياپبەرگەن («جاستار» سپورت مەكتەبى، 23 كەلى) يە بولدى. قولا جۇلدە ەرجىگىت ءتاجىمۇراتقا («جاستار» سپورت مەكتەبى (32 كەلى سالماقتا) بۇيىردى.

ماڭعىستاۋ قۇراماسى جالپى كوماندالىق ەسەپتە 3- ورىنعا تۇراقتادى.