11:29, 08 - ناۋرىز 2016 | GMT +5
اۋەجايدا تەكسەرۋ كەزىندە نوۋتبۋك جارىلدى
استانا. قازاقپارات - سوماليدىڭ بەلەدۋەين قالاسىنداعى جارىلىستان بەس ادام زارداپ شەكتى.
پوليتسيانىڭ مالىمەتىنشە، تەكسەرۋگە الىنعان رەنتگەن ماشيناداعى نوۋتبۋك جارىلعان. بۇل تۋرالى BBC اگەنتىگى حابارلايدى.
«نوۋتبۋك رەنتگەن ماشينامەن تەكسەرۋ كەزىندە جارىلدى، تەكسەرۋ قىزمەتى بۇدان باسقا تاعى دا ەكى جارىلعىشتى زالالسىزداندىردى. ونىڭ ءبىرى پرينترگە جاسىرىلعان. وقيعادان التى ادام جاراقات الدى، ونىڭ ەكەۋى پوليتسەي»، - دەدى پوليتسيا وكىلى ءابي دحۋ ءابدي.
جۇكتى تەكسەرۋدى افريكا وداعىنىڭ بەيبىتشىلىك كۇشتەرى، سونداي-اق سوماليدىڭ قاۋىپسىزدىك كۇشتەرى جۇرگىزگەن.
ەسكە سالا كەتسەك، اقپاندا «اش-شاباب» لاڭكەستەر ۇيىمى ەلدىڭ استاناسى موگاديشوعا اپاتتى جاعدايدا قونعان جولاۋشىلار ۇشاعىنداعى جارىلىستى ۇيىمداستىردىق دەپ مالىمدەگەن بولاتىن.
قۇقىق قورعاۋشىلار سول جولى دا نوۋتبۋك جارىلدى دەگەن بولجام جاساپ وتىر.
