10:33, 08 - ناۋرىز 2016 | GMT +5
ارىستاننىڭ كۇشىگى ويىن الاڭىنداعى بالانى تىستەپ الدى
استانا. قازاقپارات - رەسەيدىڭ ۆلاديميرسكوي وبلىسىنىڭ ورتالىعىندا جىلجىمالى زووباقتىڭ ابدانى (ارىستاننىڭ كۇشىگى) ۇل بالاعا شابۋىل جاسادى، دەپ حابارلايدى ر ب ك اگەنتتىگى.
تەرگەۋشىلەردىڭ حابارلاۋىنشا، 6- ناۋرىزدا «دوبروسەلسكي» ساياباعىندا جىلجىمالى زووباقتىڭ ايەل قىزمەتكەرى ابداندى دالاعا شىعارىپ، ۇزىن باۋمەن سەرۋەندەتىپ جۇرگەن. ول جىرتقىشپەن بالالار وينايتىن الاڭعا جاقىنداعان، وندا بالالار جانە ولاردىڭ اتا-انالارى بولعان. قىزمەتكەر سول جەردە ابداندى ويناتىپ وتىرعان. ءارى وعان جەتكىنشەكتەر دە قىزىعۋشىلىق تانىتقان. ايەل جىرتقىشتى باقىلاي الماي قالىپ، ول كىشكەنە ۇل بالاعا تاپ بەرگەن.
قازىر قۇقىق قورعاۋشىلار وسى وقيعا بويىنشا تەرگەۋ جۇرگىزىپ جاتىر.
