ورالدا مەحانيزاتور قىز-كەلىنشەكتەردىڭ ەڭبەك جولىنا ارنالعان كورمە وتكىزىلدى
كەزدەسۋ كەشىنە جينالعان جۇرتشىلىق الدىمەن كورمەگە قويىلعان مەحانيزاتور قىز-كەلىنشەكتەردىڭ سول كەزدەگى ءومىر جولىنان سىر شەرتەتىن فوتوسۋرەتتەردى تاماشالادى.
«اقجايىق اۋدانى العاباس سوۆحوزىندا مەكتەپتى بىتىرگەن سوڭ، ءبىراز جىلدار بويى م ت ز-50 تەمىر تۇلپاردىڭ تىزگىنىن ۇستادىم. تۇرمىسقا شىققاننان كەيىندە ەر ازاماتتارمەن يىق تىرەسىپ اۋىلدىڭ دامۋىنا ۇلەسىمىزدى قوستىق. باستاپقى كەزدە تراكتور ايداۋدىڭ قيىندىعى سەزىلگەنىمەن، كەيىن بەيىمدەلىپ تەز ۇيرەنىپ كەتتىك. ءشوپ شاۋىپ، ەگىن وردىق»، دەپ ەسكە الادى ەڭبەك ارداگەرى جۇمابيكە ايتاقانوۆا.
مەحانيزاتور بولىپ ەڭبەك ەتكەن انان بەس بالا وسىرگەن جانە ولاردان تاراعان نەمەرەلەرىنىڭ قىزىعىن كورىپ وتىر.
اتالمىش شارانىڭ ماقساتى ايەل اتتى ۇلىلىققا قۇرمەت كورسەتۋ جانە ⅩⅩعاسىردىڭ تەمىر تۇلپار يەلەرى-مەحانيزاتور قىز - كەلىنشەكتەردىڭ ءومىر جولىنان مول ماعلۇمات بەرۋ بولىپ تابىلادى. شاراعا قاتىسقان ج. ايتاقانوۆا، ن. جۇماگەلديەۆا، ق. ەسقاليەۆا سياقتى مەحانيزاتور - تراكتورشى انالارعا ارناپ كونسەرتتىك باعدارلاما ۇسىنىلدى.
