الماتىدا نازىك جاندى پوليتسيا قىزمەتكەرلەرى قۇرمەتىنە قۇرمانعازى اتىنداعى وركەستر كونسەرت بەردى - فوتو
بۇل تۋرالى بۇگىن الماتى قالالىق ءى ءى د باسپا ءسوز قىزمەتىنەن حابارلادى.
سالتاناتتى ءىس- شارا الماتى قالالىق ءى ءى د عيماراتىندا ءوتتى.
«بۇگىن اتى اڭىزعا اينالعان، حالىقارالىق بايقاۋلاردىڭ تالاي جۇلدەگەرى بولعان وركەستر ايەل ارىپتەستەرىمىزدىڭ قۇرمەتىنە تاماشا كونسەرت بەردى. ءبىزدىڭ نازىك جاندى پوليتسيا قىزمەتكەرلەرىمىز ىشكى ىستەر سالاسىندا ەرلەرمەن بىرگە وزدەرىنە جۇكتەلگەن جاۋاپتى قىزمەتتەردى ويداعىداي اتقارىپ كەلەدى. سونىمەن قاتار ولار ۇيدە - اياۋلى قارىنداس، سۇيىكتى جار، مەيىرىمدى انا. بۇگىندە الماتى پوليسياسىندا 1 مىڭعا جۋىق ايەل ازاماتتار قىزمەت اتقارادى. ولاردىڭ ىشىندە تاجىريبەلى تەرگەۋشىلەر، جەدەل ۋاكىلدەر، كريميناليستەر بار. ولار كەي ۋاقىتتا قىزمەتتىك مىندەتتەمەلەردى ەر ازاماتتاردان ارتىق ورىندايدى»، - دەدى ءوز سوزىندە الماتى قالالىق ءى ءى د باستىعى، گەنەرال- مايور سەرىك كۇدەبايەۆ.
مەرەكەلىك ءىس- شارا بارىسىندا ايەل پوليتسيا قىزمەتكەرلەرى ق ر ءى ءى م جانە الماتى قالالىق ءى ءى د تاراپىنان ماقتاۋ گراموتالارىمەن، العىس حاتتارىمەن جانە «ءمىنسىز قىزمەتى ءۇشىن» توسبەلگىلەرىمەن ماراپاتتالدى.
«بۇل مەرەكەلىك كۇنى، اسىرەسە نازىك جاندى ارداگەر ارىپتەستەرىمىزگە ريزاشىلىعىمىزدى بىلدىرەمىز. ولاردىڭ كوپجىلدىق ەڭبەگى، باي تاجىريبەسى جانە كاسىپقويلىعى بۇگىنگى جاس پوليتسيا قىزمەتكەرلەرى ءۇشىن ۇلگى. ءبىز سىزدەردى ماقتان تۇتامىز. سىزدەردىڭ ارقالارىڭىزدا ءومىرىمىز ءماندى، ماعىنالى، جارقىن دا شۋاقتى، سۇيىسپەنشىلىككە تولى بولا تۇسەدى. سىزدەرگە ايتار العىسىمىز شەكسىز. سونداي- اق، قۇرمانعازى اتىنداعى مەملەكەتتىك وركەسترگە دە العىسىمىزدى بىلدىرە وتىرىپ، شىعارماشىلىق تابىستار تىلەيمىز!»، - دەدى س. كۇدەبايەۆ.
