اشۋلى تاكسي جۇرگىزۋشىسى جاياۋ جۇرگىنشىنى اتىپ كەتتى

استانا. قازاقپارات - وقيعا سانكت- پەتەربوردا پروسۆياشەنيە داڭعىلىنداعى 48- ءۇيدىڭ جانىندا ورىن العان. جەكسەنبى كۇنى شەتەلدىك كولىكتىڭ جۇرگىزۋشىسى جاياۋ جۇرگىنشىمەن كەرىسىپ قالعان.

اشۋعا بوي بەرگەن جۇرگىزۋشى قارۋ قولداندى. ول كولىگىنەن شىعىپ، 20 جاستاعى جىگىتكە وق اتتى.

ودان كەيىن كولىگىنە قايتا ءمىنىپ، وقيعا ورنىنان ءىزىن سۋىتقان. جاس ازامات سول جاق سانىنىڭ وق جاراقاتتاندى.

پوليتسيا ىشىمدىك ىشكەن ەكى جىگىتتىڭ جولدان جۇگىرىپ ءوتىپ بارا جاتقاندا، كولىك دوڭعالاعىنىڭ استىندا قالا جازداعانىن انىقتادى. ءسىرا، تاكسي جۇرگىزۋشىسىن وسى جاعداي اشۋلاندىرعان.

 piter.tv-دىڭ حابارلاۋىنشا، كولىكتىڭ ءنومىرى بەلگىلى. قازىرگى كەزدە تەكسەرىس جۇرگىزىلۋدە.