دامير رىسپايەۆ «ەرتىستىڭ» ەكى ويىنشىسىن ۇرىپ- سوقتى - كەسكىن
كەرەكۋلىكتەر ەلوردالىقتاردى ۇتىپ وسى كەزەڭدە العا باستى 6:4 (2:1, 4:3, 0:0). ەسەپ: 2:1.
«ەرتىسپەن» ويىندا ەكى حوككەيشىمەن «جاعا جىرتىسقان» دامير رىسپايەۆ كوزگە ءتۇستى.
ەسكە سالا كەتسەك، ەلوردالىق «بارىستىڭ» قورعاۋشىسى دامير رىسپايەۆ قاڭتاردا «نوماد» فارم- كلۋبىنا اۋىستىرىلعان. فارم- كلۋب - باس كومانداعا رەزەرۆ رەتىندە سانالاتىن كوماندا.
بۇعان دەيىن دامير رىسپايەۆ سپورتتىق- تارتىپتىك كوميتەتتىڭ شەشىمىمەن بەس ماتچقا شەتتەتىلگەن. ول كەزەڭدە بىرنەشە مارتە توبەلەس شىعارىپ، ويىنشىلارعا كۇش كورسەتكەن.
***
دامير رىسبايەۆ بۇگىندە «بارىس» كلۋبىنىڭ نەگىزگى قۇرامىندا ويقاستاپ ءجۇر. كەيدە نەگىزگى مىندەتى - توبەلەسۋمە دەپ تە ويلاپ قالاسىڭ.
بويى - 187 س م. سالماعى - 92 كەلى. 1995 -جىلى تۋعان.
اندرەي نازاروۆ «بارىس» كلۋبىنا باس باپكەر بولىپ تاعايىندالعان سوڭ، وسى داميردى توبەلەس- تافگاي حوكەيشى رەتىندە كوماندا ساپىنا تارتىپ ءجۇر.
نەگىزى، نازاروۆتىڭ ءوزى دە حوككەي ويناعان كەزىندە توبەلەسكىش- تافگاي بولعان. سولتۇستىك امەريكاداعى ۇلتتىق حوككەي ليگاسىندا 12 ماۋسىم ويناپ، تانىمال تافگايلاردىڭ بىرىنە اينالعان.
باپكەرلىك كارەراعا اۋىسقالى دا مۇزايدىنداعى توبەلەستەن باس تارتپاي، ءتىپتى ءوز قاراماعىندا تافگاي حوككەيشى بولعانىن قالايتىنداي.
ەندى «بارىسقا» كەلىپ، جاپ- جاس داميردى مۇزايدىنداعى توبەلەسكە «باۋلىپ» جۇرگەندەي. «بارىس» استانادا رەسەيدىڭ (نيجنەكامسكىنىڭ) «نەفتەحيميگىن» قابىلداعان ويىندا دامير رىسبايەۆ توبەلەسىپ، قوناقتاردىڭ ەكى ويىنشىسىن تومپەشتەدى. ەكەۋىن دە مۇزايدىنعا جىقتى. حوككەيدە بۇل «جەڭىس» بولىپ سانالىپ، توبەلەس توقتاتىلادى.
ول حوككەيدە ءوز ويىنشىلارىن قورعاپ، قارسى كوماندانى «قورقىتىپ»، مۇز ايدىنداعى جەكپە- جەكتەردى ۇيىمداستىرىپ جۇرەتىن ويىنشى.
رەسەيلىك Championat.com سايتى 2015 - جىلعى قۇرلىقتىق حوككەي ليگاسىنداعى ۇزدىك توبەلەستەردى ەسكە ءتۇسىردى، ولاردىڭ اراسىندا «بارىستىڭ» تافعايى دامير رىسپايەۆ تا بار.
«2015 - جىلعى ق ح ل ويىندارىندا تىنىشتىقتى باستى بۇزۋشى «بارىستىڭ» تافگايى دامير رىسپايەۆ بولدى، ول كوپتەگەن سايىستاردى ويداعىداي وتكىزدى. ءبىراق تا ونىڭ مىنەز- قۇلقى جانە ۇرىس ءتاسىلى بارىنە بىردەي جاقپايدى، ءبىراق ول باتىلدىعى جاعىنان ەشكىمگە ەسە جىبەرمەيدى.
«تافگاي» دەگەن ءسوزدى قازاقتىڭ جالپاق تىلىنە سالساق، «توبەلەس باستاۋشى» دەگەنگە كەلەدى. 2015 -جىلعى ۇرىستا سانكت- پەتەربۋرگتە س ك ا مەن «بارىس» اراسىنداعى ماتچ كەزىندە دامير رىسپايەۆ پەن ەۆگەني ارتيۋحين ۇستاسىپ قالدى. ارتيۋحين جاس حوككەيشىنى بىرنەشە رەت سالىپ جىبەردى، ءبىراق دامير دە قاراپ تۇرعان جوق، جاقسىلاپ تۇرىپ، ءبىر جۇدىرىقتى قوندىردى. كورەرمەندەر دە ريزا بولدى. ەكەۋى دە زارداپ شەككەن جوق.
دامير رىسپايەۆ ءوز كومانداسى 0:3 ەسەبىمەن ۇتىلعان كەزىندە ۆيتالي مەنشيكوۆپەن جاعالاسىپ، ونىڭ قاسىن جارىپ جىبەردى. رىسپايەۆ دۋلىعاسىمەن شىققان بولاتىن، ال مەننشيكوۆتىڭ دۋلىعاسى باسىنان ۇشىپ كەتتى.
باسپاءسوز ءماسليحاتىندا اندرەي نازاروۆ بۇعان قاتىستى «ۇرىستا تۇرىس جوق دەگەن، ال دۋلىعاعا قاتىستى ايتار بولسام، كىم ونى جاقسىلاپ بەكىتسە، سول ۇتارى ءسوزسىز»، دەپ جايمالادى.
ەندى بىردە رىسپايەۆ پەركوۆيچتى مۇزعا سۇلاتتى. «بارىستىڭ» تافگايى دامير رىسپايەۆ ناتان پەركوۆيچتى دۋەلگە شاقىرىپ، اقىرى سوڭىندا «مەدۆەشچاك» فورۆاردىن مۇزعا سۇلاتتى. رىسپايەۆ 2015 -جىلى پەركوۆيچپەن ەكى رەت جۇلقىستى، الايدا ەكىنشىسىندە توبەلەستى باستاعان دامير بولاتىن، ال قارسىلاسىنىڭ وعان قۇلقى بولماعان ەدى»، دەپ جازادى سايت.
