قازاقستان كانادادا ءوتىپ جاتقان حالىقارالىق تاۋ- كەن فورۋمىنا قاتىسۋدا
پايدالى قازبالار بارلاۋ مەن تاۋ- كەن ىسىمەن اينالىساتىن ماماندار، كومپانيالار، ءارى ۇيىمداردىڭ كەزدەسۋى ءۇشىن تۇراقتى ورىنعا اينالدى جانە وعان الەمنىڭ 100 ەلىنەن مىڭعا جۋىق شەتەلدىك كومپانيا وكىلدەرى قاتىسۋدا.
شاراعا «قازگەولوگيا» ا ق باسقارماسىنىڭ ءتوراعاسى عالىم نۇرجانوۆ پەن ق ر ي د م گەولوگيا جانە جەر قويناۋىن پايدالانۋ كوميتەتى ءتوراعاسىنىڭ ورىنباسارى اقباتىر نادىربايەۆ قازاقستان اتىنان وكىلدىك ەتۋدە.
«قازاقستاننىڭ تاۋكەن سالاسىنا ينۆەستيتسيالار تارتۋ، سونداي- اق الەمدەگى ماينيگ كومپانيالارىمەن بايلانىستاردى جولعا قويۋ ماقساتىندا قازاقستان رەسپۋبليكاسىنىڭ ينۆەستيتسيالار جانە دامۋ مينيسترلىگى العاش رەت ءوز ستەندىن جۇرتشىلىق نازارىنا شىعارىپ، PDAC- تىڭ تولىققاندى قاتىسۋشىسىنا اينالعانىن اتاپ ءوتۋ قاجەت»، دەلىنگەن ق ر ي د م «قازگەولوگيا» ا ق- نىڭ باسپا ءسوز قىزمەتىنىڭ حابارلاماسىندا.
وسى فورۋمدا الەمدەگى تاۋ- كەن ءوندىرۋ سالاسىنىڭ نەگىزگى دامۋ باعىتتارى ايقىندالادى. قازاقستان دەلەگاتسياسىنىڭ قاتىسۋى، ەڭ الدىمەن قازاقستاننىڭ گەولوگيالىق بارلاۋ سالاسىنا ءبىلىم مەن تەحنولوگيالار ترانسفەرتىن، سونداي- اق ينۆەستيتسيالار تارتۋ ماقساتىمەن ايقىندالدى.
