استانادا الەمدەگى ەڭ ءبىرىنشى شاتىرىندا كيلومەترلىك جۇگىرۋ الاڭى بار ءۇي سالىنباق
بۇل تۋرالى گيننەس رەكوردتار كىتابىنىڭ جەتى دۇركىن رەكوردسمەنى، الەمنىڭ ەڭ ۇلكەن ءشول دالاسىن جالعىز ءوزى ءجۇرىپ وتكەن مارات جىلانبايەۆ ءوزىنىڭ فەيسبۋكتەگى پاراقشاسىندا جازدى.
"قۇرمەتتىلەرىم، مۇز ورنىنان قوزعالدى، ەگەر ۇزاق ءارى اسقان تابىندىلىقپەن ماقساتىمىزعا جىلجيتىن بولساق، قولىمىزدان بارلىعى كەلەدى. مەنىڭ استاناداعى جۇگىرۋ الاڭى بار ءۇي سالۋ جوباسى بويىنشا كارىم ماسىموۆپەن كەزدەسۋىم ءوتتى. كارىم قاجىمقان ۇلىنىڭ سپورتقا بەي- جاي قارامايتىنىن بىلەمىن، ول ءوزى جۇگىرەدى، جۇزەدى، ۆەلوسيپەد ايدايدى جانە مۇنداي قانشالىقتى قاجەت ەكەنىن تۇسىنەدى، دوڭگەلەك قوزعالدى. كەم دەگەندە ءۇش جىل ءوتۋى مۇمكىن، ءبىراز بىزدە الەمدەگى ەڭ ءبىرىنشى جۇگىرۋ الاڭى بار ءۇي سالىنادى. ەڭ جوعارعى قاباتتا شاتىر استىندا جانە شاتىردىڭ ۇستىندە بولادى"، - دەپ جازدى سپورتشى.
52 جاستاعى سپورتشى سول جەردە جۇگىرۋ الاڭى بار تۇرعىن ءۇي كەشەنىنىڭ جوباسىن تانىستىردى. جىلانبايەۆتىڭ ويىنشا، شاتىرعا سالىنعان جۇگىرۋ الاڭى اۋا رايىنىڭ قانداي بولاتىندىعىنا قاراماستان، قالا تۇرعىندارىنىڭ جايلى ءومىرىن قامتاماسىز ەتەدى.
«ءبىزدىڭ ديناميكالىق ۋاقىتتا ادام قىستا ۇيدە وتىرمايتىن بولادى. ول بەلسەندى تۇردە جۇمىس ىستەپ، بەلسەندى تۇردە دەمالۋى ءتيىس»، - دەپ ويلايدى مارات جىلانبايەۆ.
مارافونشى تۇرعىن ءۇي كەشەنىندە مەكتەپ ينتەرنات اشىپ، ول جەردە ءوزىنىڭ تاجىريبەسىمەن بولىسۋگە ۋادە بەردى. "بۇل ينتەرناتقا قابىلداۋ تەك ءادىل بولادى، قازاقستاننىڭ بارلىق مەكتەبى بويىنشا ءبىرىڭعاي تەست جۇرگىزىلەدى. ەرىك- جىگەر، سپورتقا قابىلەتتىلىك، مەديتسينالىق سپورت تەستىلەرى بويىنشا، وسىلايشا چەمپيون تاربيەلەنەتىن بولادى"، - دەپ جازدى جىلانبايەۆ.
بۇل قازاقستاندا سالىنۋى كوزدەلىپ وتىرعان قۇرىلىسى دا، ءوزى دە ەرەكشە جالعىز جوبا ەمەس.
ەستەرىڭىزدە بولسا، وسى ۋاقىتقا دەيىن قازاق ساۋلەتشىسى شوقان ماتايبەكوۆ شاڭعى تەبۋدى ۇناتاتىندار ءۇشىن جاڭا جوبا ويلاپ تاپقانى تۋرالى جازعان بولاتىنبىز.
يستوچنيك: Stan.kz
