تەمىرتاۋداعى حيميك عالىم ا. نوبەل اتىنداعى مەدالمەن ماراپاتتالدى
بۇل تۋرالى ج و و- نىڭ باسپا ءسوز قىزمەتىنەن حابارلادى.
«ۆ. مەركۋلوۆقا ناگرادا رەسەي جاراتىلىستانۋ اكادەمياسى (ر ج ا) پرەزيديۋمىنىڭ شەشىمىمەن كوپجىلدىق جەمىستى ەڭبەگى ءۇشىن تاعايىندالدى. بۇدان باسقا، ول ر ج ا- نىڭ پروفەسسورى، سونىمەن بىرگە ەۋروپالىق جاراتىلىستانۋ اكادەمياسىنىڭ عىلىم دوكتورى بولدى»، - دەلىنگەن حابارلامادا.
حيميك عالىم ەڭبەك ەتىپ وتىرعان جوبالاردىڭ ءبىرى كوكس-حيميا ءوندىرىسىنىڭ قالدىقتارىن قايتا وڭدەۋمەن بايلانىستى. بۇل مەتاللۋرگتەر قالاسى تەمىرتاۋ ءۇشىن كوكەيكەستى ماسەلە بولىپ تابىلادى. وندىرىسكە جاڭا ەكونوميكالىق ءتيىمدى ادىستەردى ەنگىزۋ ەكولوگيالىق جاعدايدى جاقسارتۋعا مۇمكىندىك بەرەدى. مامانداردىڭ ەسەپتەۋىنشە، «ارسەلورميتتال تەمىرتاۋ» ا ق- نىڭ مەتاللۋرگيا كومبيناتىنىڭ ۇيىندىلەرىندە كوكس- حيميالىق ءوندىرىستىڭ شامامەن 120 مىڭ توننا قالدىعى جينالىپ قالدى.
ۆ. مەركۋلوۆ سونداي- اق جوعارى مولەكۋليارلىق قوسىندىلار حيميا سالاسىنداعى جۇمىستى جۇرگىزىپ وتىر. ول سونداي- اق تەمىرتاۋدا ۆينيل ەفيرلەرى مەن تەتراگيدرويندول ءوندىرىسىن جاڭادان شىعارۋعا ارەكەتتەنىپ وتىر.
«بۇگىندە تەتراگيدرويندولمەن الەمنىڭ جەتەكشى ينستيتۋتتارى جۇمىس ىستەۋدە، جانە ولار جوعالتقاندى قالپىنا كەلتىرمەك بولىپ، ونى ونەركاسىپ جولىمەن شىعارۋ مۇمكىندىگىن ىزدەستىرىپ وتىر. بارىنەن بۇرىن، ولار بيولوگيالىق جانە د ن ك- بەلسەندى زاتتاردى شىعارۋ باعىتىنداعى زەرتتەۋلەر جۇرگىزۋدە، سەبەبى تەتراگيدرويندولدىڭ قاسيەتتەرى رەاكسيانىڭ (تروفيموۆ رەاكسياسى) ءبىرشاما تومەن تەمپەراتۋرالار كەزىندە جۇزەگە اسىرىلۋى ارقىلى باعالى دارىلىك فورما كوزدەرىن قاراپايىم ادىسپەن الۋعا مۇمكىندىك بەرىپ وتىر. بۇل عىلىمي جانە ونەركاسىپتىك باسەكەدە قازاقستان ەڭ جاڭا تەحنولوگيالىق شەشىمدەردىڭ جەتەكشى ويىنشىسىنا اينالۋدىڭ بارلىق مۇمكىندىكتەرىنە يە»، - دەيدى ۆ. مەركۋلوۆ.
