قازاقستاندا جاريالانعان سۋرەت بايقاۋىنا التىن جالاتىلعان تۋىندىلار ۇسىنىلدى
بۇل بايقاۋدىڭ ماقساتى ءوز ەلىنە دەگەن پاتريوتتىق سەزىم مەن سۇيىسپەنشىلىكتى ناسيحاتتاۋعا نەگىزدەلگەن. وسى سەبەپتەن رەسپۋبليكالىق سايلاۋالدى شتابتا تاڭەرتەڭنەن باستاپ مەرەكەلىك قىزۋ دايىندىق جۇمىستارى باستالىپ كەتتى. بۇعان سايلاۋالدى شتابتىڭ مۇشەلەرى، سونداي-اق پارتيانىڭ جاستار قاناتىنىڭ وكىلدەرى قاتىستى.
دەپۋتاتتىققا كانديداتتار، پارتيا مۇشەسى روزا قۋانىشبايەۆا مەن پارتيانىڭ جامبىل فيليالىنىڭ ءتوراعاسى اسقار سىزدىقوۆ جۋرناليستەردى ساياسي ۇيىمنىڭ رەسمي سايتىندا ورنالاستىرىلعان كونكۋرس ەرەجەسىمەن تانىستىردى، سونداي-اق وعان العاشقى ءتورت قاتىسۋشى تۋرالى اڭگىمەلەپ بەردى. جىبەرىلگەن جۇمىستار پارتيالىقتاردى ءوزىنىڭ ارالۋاندىعىمەن قۋانتتى. ولاردا قالا پەيزاجى، تۋعان جەردىڭ جازيرالى دالاسى، اتا- بابالارىمىزدىڭ تۇرمىسى مەن سالتى بەينەلەنگەن. قاتىسۋشىلار ۇيرەنشىكتى مايلى بوياۋلاردى دا، سونداي- اق ادەتتەگىدەن تىس ماتەريالدار: اعاش قابىعى، كەنەپ ءجىپتى، التىندى دا پايدالانعان.
اتاپ ايتقاندا، وسى ەڭبەكتەردىڭ اراسىندا قازاقستان سۋرەتشىلەر وداعىنىڭ مۇشەسى گۇلمارال تاتىبايەۆانىڭ سۋرەتتەرى ەرەكشە كوزگە ءتۇسىپ وتىر. ول ءوز تۋىندىسىندا التىن جالاتىلعان ەلەمەنتتەردى پايدالانعان. پارتيا مۇشەلەرى پارتيوتتىقتى ناسيحاتتايتىن كونكۋرسقا بارىنشا زور كوڭىل ءبولۋدى جوسپارلاپ وتىر، قازاقستاندىقتاردىڭ قولداۋىن جانە بەلسەندى قاتىسۋىن كۇتەدى.
«كەلەر ۇرپاققا تابيعاتى لاستانباعان تازا قازاقستاندى قالدىرۋ قاجەت، سوندىقتان ەكولوگيا تۋرالى ويلانۋىمىز قاجەت»، - دەيدى «بىرلىك» پارتياسىنىڭ مۇشەسى روزا قۋانىشبايەۆا.
«وتانىم مەنىڭ- مويا سترانا» كونكۋرسىنا كەز كەلگەن نيەت ءبىلدىرۋشى قاتىسا الادى. كونكۋرستى وتكىزۋ تۋرالى ەگجەي- تەگجەيلى ەرەجە جالپىعا بىردەي قولجەتىمدى، ياعني ونى پارتيانىڭ رەسمي سايتىنان قاراۋعا بولادى. جەڭىمپازدى ارنايى كوميسسيا انىقتايدى، كوميسسيانىڭ قۇرامىنا قر پارلامەنتى ءماجىلىسىنىڭ دەپۋتاتتىعىنا كانديداتتار مەن ساراپشى سۋرەتشىلەر كىرەدى. كونكۋرس قورىتىندىسى بويىنشا ۇزدىك دەپ تانىلعان جۇمىس 11 -ناۋرىزدا جاريا ەتىلەدى جانە پارتيانىڭ رەسمي سايتىنا ورنالاستىرىلادى.
اۆتور: رۋسلان عابباسوۆ
