اقتوبەلىك جۋرناليست ايەلدەرگە ەل ەستىمەگەن قۇتتىقتاۋ ارنادى
سۇلۋلاردىڭ كەسىرىنەن بولاتىن جاعدايلاردىڭ قاتارىنا سوڭعى كەزدە عالامتوردا كوپ تالقىلانىپ جاتقان جۇرەگى جۇلىنعان انا تۋرالى مىسال دا بار. جۋرناليستىڭ تىلەگىن كوپشىلىك ەل ەستىمەگەن قۇتتىقتاۋ دەپ قابىلداپ، العىستارىن ءبىلدىرىپ جاتىر.
«قۇرمەتتى قىز- كەلىنشەكتەر!
سەندەردىڭ كەسىرلەرىڭنەن جۇماقتان قۋىلدىق.. .
سەندەردىڭ كەسىرلەرىڭنەن ءابىلدى قابىل ءولتىرىپ، جەر بەتىندە العاش رەت قان توگىلدى.. .
سەندەردىڭ كەسىرلەرىڭنەن ەل مەن ەل سوعىستى، مەملەكەتتەر كۇيرەدى.. .
سەندەردىڭ كەسىرلەرىڭنەن بالا اناسىن ءولتىرىپ، جۇرەگىن جارىپ الدى.. .
سەندەردىڭ كەسىرلەرىڭنەن ارابتىڭ ءابۋ ءال قايس اتتى ءتاپ- ءتاۋىر اقىنى اقىلىنان اداسىپ، ازان شاقىرىپ قويعان اتى ۇمىتىلىپ، «ءماجنۇن» اتاندى.. .
نە ىستەمەدىڭدەر سەندەر بىزگە؟ !
سوندا دا:
«شاشتارىڭ ۇزىن، اقىلدارىڭ قىسقا» ەكەنىن بىلە تۇرىپ، سەندەردىڭ ايتقاندارىڭدى تىڭدايمىز؛
الدەقايدا كۇشتى بولا تۇرا، جانىمىز قىسىلعاندا، سەندەردەن پانا ىزدەيمىز؛
ۇرىسىپ قالساق، اقىرى سەندەردىكى دۇرىس بولىپ شىعادى؛
ەڭ باستىسى، ءبىزدىڭ سەندەرگە دەگەن سەزىمىمىز، ىنتىقتىعىمىز، ماحابباتىمىز ءبىر ساتكە دە بولسا دا باسەڭدەگەن ەمەس!
نەگە؟
ويتكەنى اللا سەندەردى سونداي سۇيكىمدى ەتىپ جاراتتى! ال اللانىڭ ىسىندە ءمىن جوق!
"مەڭدەكەش اقىن ايتپاقشى، ءبىر قىزدىڭ بالاسى، ءبىر قىزدىڭ جارى، بىرنەشە قىزدىڭ اكەسى بولۋدان ارتىق باقىت جوق!
مەرەكەلەرىڭ قۇتتى بولسىن!"، - دەپ نازىك جاندىلاردى مەرەكەسىمەن ەلدەن ەرەكشە قۇتتىقتادى باۋىرجان باباجان ۇلى.
