ءوز ماماندىعىن شىن سۇيگەن ادام عانا جەتىستىككە قول جەتكىزە الادى - م. يمانقۇلوۆا
«8 -ناۋرىز مەيرامى قارساڭىندا بىرىنشىدەن ءوز انامدى، سونىمەن بىرگە بارشا قازاقستاندىق ايەلدەردى، قۇقىق قورعاۋ ورگاندارى مەن اسكەري سالالاردا ەرلەرمەن تەڭ دارەجەدە ەڭبەك ەتىپ جۇرگەن ايەل قىزمەتكەرلەردى قۇتتىقتايمىن! دەندەرىنە ساۋلىق، وتباسىلارىنا بەرەكە- بىرلىك، قىزمەتتەرىندە تابىستار تىلەيمىن! باقىتتى بولىڭىزدار!»، - دەدى «قازاقپارات» تىلشىسىنە بەرگەن سۇحباتىندا م. يمانقۇلوۆا.
بۇگىنگى تاڭدا نازىك جاندىلاردىڭ قۇقىق قورعاۋ ورگاندارىندا دا جەمىستى ەڭبەك ەتىپ كەلە جاتقانى بەلگىلى. ولار ادەتتە جۇمىستى تياناقتى اتقارادى. سولاردىڭ ءبىرى - وسى الماتى وبلىسى بويىنشا م ك د ەكونوميكالىق تەرگەۋ قىزمەتىنىڭ اسا ماڭىزدى ىستەر جونىندەگى اعا تەرگەۋشىسى ءمادينا يمانقۇلوۆا. ول قۇقىق قورعاۋ ورگاندارىندا 2009 -جىلدان بەرى قىزمەت ەتىپ كەلەدى. ءوزىنىڭ قىزمەتتىك وتىلىمىندە ءمادينا اسا اۋىر قىلمىستاردىڭ تەرگەۋ جۇمىستارىن جۇرگىزگەن.
«ءوز ماماندىعىن شىن سۇيگەن ادامعا جۇمىستىڭ جەڭىلى نەمەسە اۋىرى بولمايدى. ياعني، ءوز مامانداعىن شىن ءسۇيىپ جۇمىس ىستەگەن ادام عانا ءوز سالاسىندا جەتىستىككە قول جەتكىزەدى»، - دەيدى ول.
2015 -جىلى م. يمانقۇلوۆا اسا ءىرى كولەمدە جاسالعان جالعان كاسىپكەرلىك قىلمىستارىن انىقتاپ، تەرگەۋ جۇمىستارىن جۇرگىزىپ، سوتقا جولدادى.
2015 -جىلدىڭ قورىتىندىسى بويىنشا ق ر ءى ءى م مەملەكەتتىك كىرىستەر كوميتەتىنىڭ ەكونوميكالىق تەرگەۋ قىزمەتى قىزمەتكەرلەرىنىڭ اراسىندا ۇزدىكتەر تاڭدالدى.
جەلتوقسان ايىندا مەملەكەتتىك كىرىستەر كوميتەتىندە «ەڭ ۇزدىك جەدەل قىزمەتكەر»، «ىزدەستىرۋ بويىنشا ەڭ ۇزدىك جەدەل قىزمەتكەر»، «ەڭ ۇزدىك تەرگەۋشى» اتاقتارىن بەرۋگە ارنالعان بايقاۋ كوميسسياسىنىڭ وتىرىسى بولىپ، قازاقستان بويىنشا ەڭ ۇزدىك قىزمەتكەرلەر انىقتالعان بولاتىن. اتالعان ءىس- شارا ناتيجەسىندە الماتى وبلىسى بويىنشا م ك د ەكونوميكالىق تەرگەۋ قىزمەتىنىڭ اسا ماڭىزدى ىستەر جونىندەگى اعا تەرگەۋشىسى يمانقۇلوۆا ءمادينا «ۇزدىك تەرگەۋشى» اتاندى. مەملەكەتتىك كىرىستەر كوميتەتىنىڭ ءتوراعاسى د. ەرعوجيننىڭ بۇيرىعىمەن جوعارى لاۋازىمدارعا كادرلىق رەزەرۆكە ەنگىزىلدى.
«بۇل مەنىڭ عانا جەتىستىگىم ەمەس. ءبىر ادام مۇنداي جوعارى ناتيجەگە قول جەتكىزە الماس ەدى. بۇل جەردە قىلمىستىق ىستەردى زاڭدا كورسەتىلگەن مەرزىمدەرگە سايكەس جۇرگىزۋگە سەپتىگىن قوسقان ارىپتەستەرىمنىڭ ەڭبەكتەرى بار»، - دەدى ءمادينا يمانقۇلوۆا.
ايتا كەتەلىك، بۇگىندە الماتى وبلىسى بويىنشا مەملەكەتتىك كىرىستەر دەپارتامەنتىنىڭ ەكونوميكالىق تەرگەۋ قىزمەتىندە 10 نان اسا ايەل قىزمەتكەر جۇمىس ىستەيدى. ولاردىڭ ىشىندە ءبولىم باسشىسى، وفيتسەرلەر مەن تەرگەۋشىلەر بار.
اۆتور: ايبوتا جاپپاربەرگەن
