قاراعاندى وبلىسىنىڭ پوليتسەيلەرى ارىپتەس ايەلدەردى اكتەرلىك جانە اسپازدىق قابىلەتتىلىگىمەن تاڭقالدىردى - فوتو، كەسكىن
حالىقارالىق ايەلدەر كۇنىنە ارنالعان «سەگىز قىرلى، ءبىر سىرلى» بايقاۋى دايىندالدى. ەرلەر اراسىنداعى سايىس ءتورت كەزەڭنەن تۇرعان: «ماماندىعىمدى ماقتان ەتەمىن»، «باتىرلار جولى»، «ايەلگە دەگەن ماحابباتپەن» جانە «ميستەر سموكينگ». قاتىسۋشىلار اكتەرلىك شەبەرلىگىن تانىتتى - ءان ايتىپ، ءبي بيلەپ، تەاترلاندىرىلعان شوۋ كورسەتتى.
وبلىستىق ءى ءى د- نىڭ جەدەل جوسپارلاۋ باسقارماسىنىڭ باستىعى اركادي استافيەۆ بوگەنباي باتىر كەيپىندە كورىندى. بۇل ونىڭ ساحناعا العاش شىعۋى. وڭتۇستىك- شىعىس پوليتسيا ءبولىمىنىڭ ينسپەكتورى قۋانىش مەدەۋبايەۆ قانىش ساتپايەۆتىڭ ءرولىن سومدادى. بۇدان باسقا، ساحناعا قاجىمۇقان، قاسىم امانجولوۆ، توقتار اۋباكىروۆ، عازيز بايتاسوۆتىڭ رولدەرىن ويناعان پوليتسەيلەر شىقتى.
ءاربىر قاتىسۋشى ءوزىنىڭ مەرەكەلىك ءتاتتىسىن دايىنداپ كەلدى. كورەرمەندەر ەكراندا بۇعان بايقاۋشىلاردىڭ قانشا كۇش سالعانىن كورە الدى. باعالاردى ايەلدەردەن قۇرالعان قازىلار القاسى قويعان.
«بۇل بايقاۋعا تەك ەر ادامدار قاتىستى. ءبىز شەبەرلىگىمىزدى تانىتىپ، نازىك جاندىلاردى تاڭقالدىرۋعا تىرىستىق. بۇل قولىمىزدان كەلدى دەگەن سنىمدەمىن»، - دەدى بايقاۋ جەڭىمپازى ق. مەدەۋبايەۆ.
ايەل پوليتسەيلەر سونداي-اق جاقسى قىزمەت اتقارعانى ءۇشىن ۆەدومستۆولىق ناگرادالار، قۇرمەت گراموتالارى جانە العىس حاتتارىن الدى.
«قاراعاندى وبلىسىنىڭ ىشكى ىستەر ورگاندارىندا مىڭنان استام ايەل قىزمەت ەتۋدە. ولار قىلمىستىڭ الدىن الۋ مىندەتتەرىن ورىنداپ، قىلمىستاردى اشىپ وتىرادى، كريميناليستيكالىق زەرتتەۋلەر جۇرگىزەدى، قوعامدىق ءتارتىپتىڭ ساقتالۋىن جانە باسقا دا ماڭىزدى پوليتسەيلىك قىزمەتتەردى ەر ادامدارمەن بىردەي اتقارادى»، - دەپ اتاپ ءوتتى وبلىستىق ءى ءى د باستىعى، گەنەرال-مايور مەرگەنباي جاپپاروۆ.
