قىتايدىڭ حالىق قۇرىلتايىنداعى ۇكىمەت ەسەبىندە قازاقستان تۋرالى ايتىلدى

بەيجىڭ. قازاقپارات - قىتاي وندىرىستىك قۋاتتىلىق پەن جابدىقتاردى شىعارۋ سالاسىنداعى حالىقارالىق ىنتىماقتاستىقتى كەڭەيتەدى.

بۇل تۋرالى بۇكىل قىتاي حالىق وكىلدەرى قۇرىلتايىنىڭ (ب ح ءو ق) جىل سايىنعى سەسسياسىنىڭ اشىلۋىندا ق ح ر مەملەكەتتىك كەڭەسىنىڭ پرەمەرى لي كىشياڭنىڭ ۇكىمەت جۇمىسى تۋرالى بايانداماسىندا ءمالىم ەتىلدى.

«وندىرىستىك قۋاتتىلىقتار سالاسىندا قىتاي ءتيىستى تەتىكتەردى قالىپتاستىرۋدىڭ نەگىزىندە قازاقستان، ەفيوپيا، برازيليا جانە باسقا 14 ەلمەن ەكىجاقتى حالىقارالىق ىنتىماقتاستىقتى قۇردى»، - دەپ اتاپ وتىلەدى قۇجاتتا.

2016 - جىلعا بەلگىلەنگەن نەگىزگى مىندەتتەردىڭ اراسىندا باستى ەلدەرمەن ماڭىزدى ونەركاسىپ وندىرىستەرىنە قاتىستى وندىرىستىك قۋاتتىلىقتار سالاسىنداعى ىنتىماقتاستىق جوبالارىنىڭ بانكىن قۇرۋ اتالىپ وتىلگەن.

«پروۆينتسيالار مەن اۆتونومدىق اۋدانداردىڭ، باستى ەلدەرمەن جەتەكشى كاسىپورىنداردىڭ ىنتىماقتاستىق تەتىگىن قۇرىپ، جەتىلدىرۋ، كۇردەلى قاۋىپ- قاتەرلەردى باسقارۋ تەتىگىن جاقسارتۋ»، - دەلىنگەن باياندامادا.

 ەلدىڭ جوعارى زاڭ شىعارۋشى ورگانى - بۇكىل قىتايلىق حالىق وكىلدەرى قۇرىلتايىنىڭ جىل سايىنعى سەسسياسى قىتايدا جىلدىڭ ەڭ ماڭىزدى ىشكى ساياسي وقيعاسى بولىپ ەسەپتەلەدى. ۇكىمەت جۇمىسىنىڭ ەسەبىن تىڭداعان 3 مىڭعا جۋىق دەپۋتات ەل بيۋدجەتىن قابىلداپ، ەلدىڭ 2016-2020 - جىلدارى الەۋمەتتىك- ەكونوميكالىق دامۋىنىڭ ۆەكتورىن انىقتايتىن 13- بەسجىلدىقتىڭ جوباسىن تالقىلايدى.