ق ر قورعانىس ءمينيسترى قازاقستان اۋماعىندا وتەتىن ارميا حالىقارالىق ويىندارىنا دايىندىقتى تەكسەردى - فوتو
بيىلعى جىلدىڭ جازىندا ءارتۇرلى مەملەكەتتەردىڭ قارۋلى كۇشتەرى اسكەري قىزمەتشىلەرىنىڭ دالالىق، اۋە جانە تەڭىز داعدىسى بويىنشا ارميا حالىقارالىق ويىندارىنىڭ 23 بايقاۋىنىڭ وتكىزىلۋى جوسپارلانعان.
ويىندار قازاقستان مەن رەسەي فەدەراتسياسىنىڭ اۋماعىندا العاش رەت وتەدى.
ەلىمىزدە «ارتيللەريالىق اتىس شەبەرى» جانە «مەرگەن شەبى» اتتى 2 بايقاۋدى وتكىزۋ جوسپارلانۋدا. اسكەري قىزمەتشىلەرىمىز بارلىق اتالىمداردا، ناقتىراق ايتساق، 21 كونكۋرستا باق سىنايدى. سايىستى وتكىزۋ ورنىندا يرەكتۇتىك، مينا- جارىلعىش قورشاۋى، وبا، جولتابان كوپىرى ىسپەتتى كەدەرگىلەرى بار قاشىقتىقىعى 2 شاقىرىم جەردە ارتيللەرياشىلاردىڭ بايقاۋىن وتكىزۋ ءۇشىن داڭعىل جولدىڭ، سونداي- اق مەرگەندىك ۆينتوۆكادان، تاپانشادان اتۋ جانە گراناتالار لاقتىرۋ ءۇشىن بارلاۋشىنىڭ سوقپاق جولىنىڭ ەلەمەنتتەرى بار مەرگەندەردىڭ بايقاۋىن وتكىزۋ ءۇشىن داڭعىل جولدىڭ سالىنۋى جوسپارلانعان.
«ارتيللەريالىق اتىس شەبەرى» بايقاۋىنا ءاربىر مەملەكەتتەن 21 ادامنان قۇرالعان كوماندا، ونىڭ ىشىندە 5 ادامعا دەيىن 3 مينااتقىش ەسەپتوبى قاتىسادى. بايقاۋدى وتكىزۋ ءۇشىن ءار كومانداعا كوپ نىسانالى جەڭىل بروندالعان تارتقىش، مينااتقىشتار، اۆتوماتتار جانە گرانااتقىشتار ۇسىنىلاتىن بولادى.
«مەرگەن شەبى» بايقاۋىنا ءاربىر مەملەكەتتەن 7 ادامنان تۇراتىن كوماندا، ونىڭ ىشىندە 3 مەرگەندىك جۇپ قاتىسادى. بايقاۋدى وتكىزۋ ءۇشىن ءار كومانداعا وپتيكالىق كوزدەۋىشى جانە «اسەلسان» تۇنگى كوزدەۋىشى بار دراگۋنوۆتىڭ مەرگەندىك ۆينتوۆكالارى ۇسىنىلادى.
وتكەن جىلى العاشقى «ارمي-2015» ارميا حالىقارالىق ويىندارى وتكەنىن ەستەرىڭىزگە سالا كەتەيىك.
