نازاربايەۆ ايەلدەر تۋرالى ءازىل ايتىپ بەردى

استانا. قازاقپارات - قازاقستان پرەزيدەنتى نۇرسۇلتان نازاربايەۆ «كوكتەم شۋاعى» اتتى ءداستۇرلى كەزدەسۋدە نازىك جاندىلار تۋرالى كۇلكىلى اڭگىمە ايتىپ بەردى، - دەپ حابارلايدى Tengrinews.kz ءتىلشىسى.

«ەجەلگى گرەكيا اڭىزدارى» دەگەن كىتاپ وقىپ وتىرعان بالا اكەسىنە قاراپ: «اكە، ەجەلگى گرەكتەر جەڭىستى نەلىكتەن ايەلمەن بەينەلەگەن؟»، - دەپ سۇرايدى. سوندا اكەسى وعان: «ۇيلەنگەن سوڭ بىلەسىڭ، بالام»، - دەپ جاۋاپ بەرىپتى»، - دەدى نازاربايەۆ.

قازاقستان پرەزيدەنتى بۇل جولعى كەزدەسۋدە ءتۇرلى ماماندىق وكىلدەرىنىڭ قاتىسىپ وتىرعانىنا نازار اۋداردى.

«سىزدەردىڭ ارالارىڭىزدا كوپبالالارى انالار، بيزنەس وكىلدەرى، اسكەريلەر، عالىمدار، دارىگەرلەر، پەداگوگتار، مادەنيەت جانە سپورت قايراتكەرلەر، جۋرناليستەر بار. ايەلدەر تاۋەلسىزدىكتىڭ بارلىق جىلىندا مەنىڭ سەنىمدى تىرەگىم بولدى. ءبىزدىڭ 25 جىلداعى جەتىستىكتەرىمىز سىزدەردىڭ بەلسەندى ەڭبەكتەرىڭىزدىڭ ارقاسىندا. سىزدەر - قوعامىمىزداعى بىرلىكتىڭ، جاسامپازدىقتىڭ جانە تۇراقتىلىقتىڭ بەينەسىسىزدەر»، - دەدى مەملەكەت باسشىسى.