پاۆلوداردا ەرتىس وزەنىنىڭ ورتاسىنداعى شاعىن ارالدا ەلىك ءجۇر

پاۆلودار. قازاقپارات - پاۆلوداردا ەرتىس وزەنىنىڭ كىشىگىرىم ارالىندا ەلىك جانۋارى تابىلدى، دەپ حابارلايدى pavlodarnews.kz.

بۇل تۋرالى اگەنتتىككە پاۆلودار قالاسىنىڭ ورمان جانە جانۋارلار الەمىن قورعاۋ جونىندەگى مەملەكەتتىك مەكەمەسىنىڭ ديرەكتورى اجدار ءجۇسىپوۆ ءمالىم ەتكەن.

«ماعان قالا تۇرعىندارى حابارلاسىپ، قالا شەتىندەگى «كاراۆان ساراي» ءدامحاناسى ماڭىنداعى ەرتىس وزەنىنىڭ كىشىگىرىم ارالىنان ەلىكتى كورگەندەرىن ايتتى. قازىرگى ۋاقىتتا ءبىز سول ارالعا جەتۋ ءۇشىن قايىقتاردى دايىنداۋدامىز»، - دەدى ا. ءجۇسىپوۆ.

ەستەرىڭىزگە سالا كەتسەك، 2015 -جىلعى ۆەدومستۆو ۇسىنعان اقپاراتقا سايكەس وبلىس اۋماعىندا 2672 ءسىبىر ەلىگى بار. سونداي-اق بۇل وڭىردە 138 بۇلان، 200 مارال، 15 تەڭبىل بۇعى، 300 قابان، 171 قاسقىر، 42 مىڭعا جۋىق قويان جانە تاعى دا باسقا جانۋارلار مەكەن ەتەدى.

ايتا كەتەرلىگى، 2014 -جىلدىڭ كوكتەم- قىس ارالىعىندا 76 ءسىبىر ەلىگى تابىلعان.