ءانشى ايقىن تولەپبەرگەن قازاق جۋرناليستەرىنىڭ اشۋىن كەلتىردى
بۇل تۋرالى "ايقىن" گازەتى جازدى.
تولەپبەرگەن بىرنەشە ايدان بەرى جەكە كەشىنىڭ وتەتىندىگىن جارنامالاپ، قالا ىشىنە حابارلاندىرۋ ءىلىپ، ءتىپتى جەڭىمپازعا كونسەرتىنە بيلەت بەرىلەتىن سايىس ۇيىمداستىرعان- دى. مۇنىمەن قاتار، ينستاگرامداعى پاراقشاسى ارقىلى جۋرناليست قاۋىمىن دا شاقىرعان. الايدا كەشكە بارعان جۋرناليستەرگە اينۇر ەسىمدى كومەكشىسى سۇحباتتان كەيىن قايتا بەرۋلەرىنە بولاتىندىعىن ايتقان.
«ايقىن» گازەتىنىڭ ءتىلشىسى نۇرسۇلۋ مىرزاحمەتوۆا ءوز ماقالاسىندا: «كەشە ءانشى ايقىن تولەپبەرگەن كونتسەرت بەردى. قالا ىشىندەگى جارنامالار دا ەلەڭ ەتكىزبەي قويمادى. ءبىراق «كونتسەرت بەردى» دەگەنى بىلاي تۇرسىن، كەشكى 19.30 دا باستالاتىن كونتسەرتكە جۋرناليستەردى شاقىرىپ الىپ، ورىن بەرمەي قۋىپ شىققانداي بولدى»، - دەپ ب ا ق وكىلدەرىنە لايىق سىي- قۇرمەت كورسەتىلمەگەندىگى تۋرالى جازدى. جۋرناليستىڭ بۇل نارازىلىعىنا كونسەرت ۇيىمداستىرۋشىلارىنىڭ اقپاراتتىق قولداۋ كورسەتۋ ءۇشىن بارعان جۋرناليستەرگە ورىن دا، بيلەت تە قاراستىرماۋى سەبەپ بولسا كەرەك.
«ءوزىن اينۇر دەپ تانىستىرعان باسپا ءسوز حاتشىسىنىڭ بىزگە ايتقانى سول. ءسوزى » ينتەرۆيۋ الىپ بولساڭدار، قايتا بەر» دەگەنگە سايدى. مۇنداي ۇيىمداستىرۋعا اڭ- تاڭ قالدىق»، - دەيدى باسىلىم ءتىلشىسى. ارى قاراي "جۋرناليستەرگە حابارلاندىرۋ تاستار الدىندا نەگە بۇل نارسە ويلاستىرىلماعان؟ ال بارلىق جۋرناليستكە ورىن تابىلمايتىن بولسا، نەگە شەكتەۋسىز ءبارىن قاز- قاتار «اككرەديتتەي» بەرگەن؟ ويتكەنى اككرەديتاتسيادان وتپەگەن جۋرناليست قانا شارا وتەتىن جەرگە كىرە الماۋى مۇمكىن. اككرەديتتەۋ دەگەننىڭ ءوزى جۋرناليستى تاعايىنداۋ ءراسىمى جانە ونىڭ وكىلەتتىگىن مەملەكەتتىك ورگاننىڭ، قوعامدىق بىرلەستىكتىڭ جانە ۇيىمنىڭ تانۋى. جۋرناليستەردى اككرەديتتەۋ قاعيدالارىن بەكىتۋ تۋرالى ق ر مادەنيەت جانە اقپارات مينيسترلىگىنىڭ 2013 -جىلعى 23 - ماۋسىمداعى بۇيرىعى دا بار. سوندىقتان اقپاراتتىق قولداۋ كورسەتۋ ماقساتىمەن رەداكسيادان رۇقسات الىپ، بەلگىلى ءبىر شاراعا قاتىسۋ ءۇشىن اككرەديتاتسيادان ءوتتىڭ بە، دەمەك، جۋرناليست سول جەردەن اقپارات الۋىنا قۇقىلى، ءارى جۋرناليستىڭ اقپارات الۋىنا مۇمكىندىك جاسالۋى قاجەت»، - دەپ اشىندى جۋرناليست.
بۇدان وزگە «ايقىن تولەپبەرگەننىڭ كونتسەرتىنە دەيىنگى اككرەديتاتسيا ءوتۋ ارقىلى قاتىسىپ جۇرگەن شارالاردىڭ، مەيلى ول كونسەرت، نە كونفەرەنتسيا بولسىن بارلىعىندا دا جۋرناليستىڭ اقپارات الۋىنا تولىقتاي جاعداي جاسالىپ، ۇيىمداستىرۋ جۇمىستارىنا سىن كەلتىرگەن ەمەس. الدە ايقىن مۇنداي جۇيەدەن حابارسىز با؟ جاڭالىق جارشىسى جۋرناليستەردىڭ كونسەرتكە قاتىسا الماي قالعانىمەن باسپا ءسوز حاتشىسىنىڭ شارۋاسى جوق. كونسەرت باستالىپ كەتكەنىنە 10-15 مينۋت ءوتىپ كەتكەننەن كەيىن، ءوزىمىزدىڭ زالعا كىرۋمىزدى سۇراعان سوڭ ءبىراق، ابىر- سابىر كەزدە باس ديرەكتوردان ورىن سۇراپ بەرمەكشى. ونىڭ وزىندە ديرەكتوردىڭ بوساعانىن كۇتۋىمىز كەرەك ەكەن. سوندا ايقىن تولەپبەرگەن مەن كومەكشىلەرىنىڭ جۋرناليستەر جۇمىسىن ەلەمەگەنى مە؟ » - دەپ جۋرناليست نۇرسۇلۋ مىرزاحمەتوۆا نارازىلىعىن ءبىلدىردى.
ءانشى راسىمەن جۋرناليست قاۋىمىنىڭ قىزمەتىن ەلەمەدى مە، الدە مۇنىڭ بارلىعى بيلەت تاپشىلىعىنان بولدى ما ول جاعى ازىرگە بەيمالىم.
