ا ق ش رەسەيگە قارسى سانكتسيانى ءبىر جىلعا ۇزارتتى

2- ناۋرىزدا اق ءۇي تاراتقان قۇجاتتا رەسەيدىڭ ۋكرايناعا قاتىستى ءىس-ارەكەتى مەن ساياساتى بۇل ەلدىڭ قاۋىپسىزدىگىنە، تۇراقتىلىعى مەن ەگەمەندىگىنە جانە تەرريتوريالىق تۇتاستىعىنا قاتەر ءتوندىرىپ، ۋكرايناداعى دەموكراتيالىق پروتسەستەر مەن ينستيتۋتتاردى ىدىراتاتىنى ايتىلعان.

بۇعان قوسا، قالىپتاسقان احۋالدىڭ ا ق ش ۇلتتىق قاۋىپسىزدىگى مەن سىرتقى ساياساتىنا قاۋىپ توندىرەتىنى ەسكەرتىلگەن.

ا ق ش پرەزيدەنتى وسىعان بايلانىستى 2014-جىلى ەنگىزىلگەن سانكتسيانى ءبىر جىلعا - 2017-جىلدىڭ 6- ناۋرىزىنا دەيىن ۇزارتتى. مۇنىڭ سىرتىندا، وباما ۋكرايناداعى جاعداي مەن رەسەيدىڭ قىرىمدى اننەكسيالاپ الۋىنا بايلانىستى تاعى ءۇش قۇجاتقا قول قويدى.

كيەۆ پەن باتىس ەلدەرى جانە ا ق ش رەسەيدى ۋكراينانىڭ قىرىم تۇبەگىن زاڭسىز اننەكسيالاپ الدى جانە ۋكراينا شىعىسىنداعى رەسەيشىل سەپاراتيستەرگە قولداۋ كورسەتەدى دەپ ايىپتايدى. ءبىراق ماسكەۋ ايىپتى جوققا شىعارادى.