گۋگل كومپانياسى جاساعان ءوزىن ءوزى باسقاراتىن اۆتوموبيل جول اپاتىنا ۇشىرادى
كومپانيانىڭ حابارلاۋىنشا، ماشينا سىناق كەزىندە ءجۇرىپ كەلە جاتىپ اۆتوبۋسقا سوعىلعان. وقيعا سالدارىنان ەشكىم زارداپ شەكپەدى. كولىكتىڭ الدىڭعى جاعى مايىسىپ، قوزعالىسىن باقىلايتىن ەلەكتروندىق قۇرىلعىسى ىستەن شىقتى.
سىناق كەزىندەگى مالىمەتتەرگە جۇگىنسەك اپات كەزىندە كولىك ساعاتىنا ءۇش شاقىرىم جىلدامدىقپەن كەلە جاتسا، اۆتوبۋس ساعاتىنا 20 شاقىرىمنان استام جىلدامدىقپەن جۇرگەن. وقيعاعا اۆتوبۋستىڭ كولىكتى وتكىزىپ جىبەرەدى دەگەن كومپيۋتەردىڭ قاتە شەشىمى سەبەپشى بولعان.
كومپانيا بولعان وقيعاعا جاۋاپتى ەكەندىكتەرىن مويىنداپ، كومپيۋتەر قاتەلىگىن بولدىرماۋ ءۇشىن جۇرگىزۋشىنىڭ باسقارۋىنسىز جۇرەتىن كولىكتىڭ باعدارلامالىق قامتىلىمىن وزگەرتۋگە ۋادە بەردى.
وزدىگىنەن جۇرە بەرەتىن كولىككە Lexus RX450 اۆتوموبيلى پايدالانىلعان. ونى سىناۋ كاليفورنيا شتاتىندا جۇرگىزىلۋدە.
