شەشەندەر قادىروۆتان وتستاۆكاعا كەتپەۋىن سۇرادى

بۇل تۋرالى رەسپۋبليكا ۇكىمەتىنىڭ رەسمي پورتالىندا جاريالانعان قاراردىڭ ماتىنىندە ايتىلعان.

فورۋمعا قاتىسۋشىلار رەسپۋبليكاداعى جاعدايدىڭ تۇراقتى بولۋى جانە مەملەكەتتىك بيلىك جۇمىسىنىڭ تيىمدىلىگى قادىروۆتىڭ ارەكەتىنىڭ ارقاسىندا دەپ سانايتىندارىن جەتكىزدى. قادىروۆتى قولداعاندار ونىڭ ورنىن باسا الاتىن ادامنىڭ جوق ەكەنىن ايتىپ وتىر.

«شەشەنستان رەسپۋبليكاسىنىڭ حالقى ونى ۇلتتىق كوشباسشى لاۋازىمىن ايىرمايدى، سونىمەن قاتار، ساياسي ارەنادا ونىڭ بولۋىن قاجەت دەپ ەسەپتەيدى. سونىمەن قاتار، مۇسىلمان، شەشەن حالقىنىڭ ادال ۇلى جانە رەسەيدىڭ پاتريوتى رەتىندە ول حالىقتىڭ قالاۋىنا باعىنۋعا مىندەتتى!»، - دەلىنگەن قۇجاتتا.

بۇعان دەيىن شەشەنستان باسشىسى رامزان قادىروۆ ءوڭىردى باسقارۋ لاۋازىمىنىڭ ۋاقىتى اياقتالعانىن مالىمدەدى جانە ول مەملەكەت باسشىلىعىنداعى بۇل قىزمەتكە باسقا ادامدى تابۋ قاجەت ەكەنىن ايتقان بولاتىن. سونىمەن قاتار، قادىروۆ ءوزىن الداعى ۋاقىتتا فەدەرالدىق مينيستر نەمەسە دەپۋتات رەتىندە كورە المايتىنىن مالىمدەدى.

قادىروۆ ءوزىن قولداۋ ءۇشىن ميتينگ وتكىزبەۋدى دە سۇرادى. «مەن ءوز مالىمدەمەمە قاتىستى ۇندەۋلەردى وقيمىن. بيلىكتە قالدىرۋ ءۇشىن ميتينگ جانە وزگە دە اكسيالاردى وتكىزۋ جونىندە ۇسىنىستار پايدا بولدى. ارينە، حالىقتىڭ مۇنداي قولداۋى ءۇشىن قۋانامىن. ءومىردى حالىققا ارناۋ كەرەگىنە تاعى ءبىر مارتە كوزىم جەتتى. ءبىراق ەشقانداي ميتينگتىڭ قاجەتى جوق. مەن سول ءۇشىن ءوز ويىمدى ايتقان جوقپىن»، - دەپ جازدى قادىروۆ Instagram-دا.

tengrinews.kz