قازاقستاندا كورابلدەردىڭ جاڭا تۇرلەرى شىعارىلماق

بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.

 ولشەمى بويىنشا بۇل كورابلدەر قازاقستان اسكەري- تەڭىز كۇشتەرىنىڭ جاراقتاندىرۋىندا تۇرعان تازا سالماعى 220-250 توننانى قۇرايتىن كورابلدەردەن 2-3 ەسەگە ۇلكەنىرەك بولادى. جاڭعىرتۋ شەڭبەرىندە زاۋىتتا كوپ فۋنكتسيونالدى كەمەلەردى، جۇزبەلى زەرتحانالاردى، تارتقىشتاردى شىعارۋدى، سونداي- اق كەلەشەكتە ۆاحتالىق اۋىسىمدى جەتكىزۋ كەمەلەرىن، ىزدەستىرۋ- قۇتقارۋ جانە ءورت، سونىمەن قاتار وزگە دە تەحنيكالىق فلوتتاعى قوسالقى كەمەلەردى يگەرۋ جوسپارلانۋدا.

 «قازاقستان ينجينيرينگ» ۇ ك» ا ق- تا ايتقانداي، مۇنداي ءوندىرىستى تاڭداۋ رەسپۋبليكامىزدا بار كاسپي تەڭىزىنىڭ كەن ورىندارىندا مۇناي گاز ونىمدەرىن شىعارۋ جۇزەگە اسىرىلۋىمەن نەگىزدەلەدى. وسىعان بايلانىستى، ونى ىسكە اسىرۋ كەزىندە تەڭىز وپەراتسيالارىن قولداۋ، سايكەسىنشە، قازاقستاندا وسى ماقساتتارعا ارنالعان جەكە فلوت قۇرۋ قاجەتتىلىگى تۋىندايدى. تازا سالماعى 600 تونناعا دەيىنگى كەمەلەردى شىعارۋعا ساپالى تۇرعىدا كوشۋ ءۇشىن كاسىپورىنعا ءتيىستى قايتا قۇراستىرۋدان وتۋگە تۋرا كەلەدى.

 بۇگىندە «زەنيت» ورال زاۋىتىنىڭ اسكەري كورابل قۇراستىرۋ سالاسىندا 23 جىلدىق جۇمىس تاجىريبەسى بار ەكەنىن ايتا كەتكەن ءجون. 1993 - جىلدان باستاپ كاسىپورىن قازاقستان رەسپۋبليكاسى قارۋلى كۇشتەرىنىڭ اسكەري- تەڭىز كۇشتەرى مەن ۇ ق ك شەكارا قىزمەتى ءۇشىن سۋ الماسۋى 250 تونناعا دەيىنگى تەڭىز كاتەرلەرى مەن كورابلدەرىن سالىپ كەلەدى.

سونىمەن، بىلتىرعى جىلى ق ر ق ك ءا ت ك- گە «سارى ارقا» زىمىران- ارتيللەريالىق كورابلى كەلىپ ءتۇستى. 2016 -جىلى كاسىپورىن تاپسىرىس بەرۋشىلەرگە سۋ الماسۋى 13-تەن باستاپ 250 تونناعا دەيىنگى 23 بىرلىك كاتەر مەن كورابلدەردى پايدالانۋعا بەردى.