بەلگىلى اكتەر كولىگىمەن ادام قاعىپ، ءبىر تاۋلىك بويى قاشىپ ءجۇردى - كەسكىن

ونى قولعا ءتۇسىرۋ ءۇشىن جول پوليتسەيلەرىنە ءبىر تاۋلىك ۋاقىت كەرەك بولدى. بۇل تۋرالى LifeNews دەرەگىنە سۇيەنگەن ras.kz حابارلادى.

جول-كولىك وقيعاسى 24- اقپان كۇنى ماسكەۋدىڭ قاق ورتاسى - چيستىي پرۋد بۋلۆارىندا بولعان. ايەل ايالداماعا قاراي كەلە جاتقاندا، نيكولايەۆ وعان ءوزىنىڭ «سۋبارۋىمەن» قاتتى كەلىپ سوعىپ، وتە شىققان.

ترامۆاي جولىمەن كەلە جاتقان اۆتوموبيل سول بويى توقتاماستان كەتە بارعان. اكتەر ءتىپتى توقتاپ، ايەلگە كومەك كورسەتەيىن دەگەن نيەت تە بىلدىرمەگەن.

وسى وقيعادان كەيىن 54 جاستاعى ايەل ءارتۇرلى دەنە جاراقاتىمەن اۋرۋحاناعا جاتقىزىلعان. مەديتسينالىق ورتالىق ونىڭ دەنەسىنىڭ كوپ جەرى سىنىپ كەتكەنىن ايتادى، ميى وتە قاتتى شايقالعان دەگەن دە كۇدىك بار.

25- اقپان كۇنى كەشكىلىك، ساعات 19:00 دە اكتەردى ۇستاۋ ءۇشىن جول پوليتسەيلەرىنە ونىڭ ماشيناسىن جان-جاقتان كولىكپەن قىسپاققا الۋعا تۋرا كەلدى. وسىدان كەيىن جۇرگىزۋشىگە كولىك سالونىنان شىعۋ تالاپ ەتىلدى. ءبىراق ول ءوز ەركىمەن شىعا قويمادى. سودان كەيىن جول ساقشىلارى ونىڭ كولىگىنىڭ تەرەزەسىن سىندىرىپ، سىرتقا شىعارىپ، قولدارىنا كىسەن سالىپ، الىپ كەتتى.

اكتەر ۆالەري نيكولايەۆتىڭ جاسى قازىر 50 دە. ول «بۋرجۋيدىڭ تۋعان كۇنى» دەگەن سەريالمەن كوپشىلىككە كەڭىنەن تانىمال بولعان.