الەمدە العاش رەت ۇشاتىن اۆتوموبيل جاسالدى - كەسكىن

بۇل تۋرالى Inhabitat پورتالى دەرەگىنە سىلتەمە جاساعان ras.kz حابارلادى.

اۆتوموبيلدى اسپانعا الىپ شىعاتىن TF- X قوندىرعىسى ءوزىنىڭ العاشقى اەروديناميكالىق سىناعىن باستاپ كەتتى. ءوندىرىس ورنى جاڭا كولىكتىڭ 2018-جىلى جاپپاي شىعارىلا باستايتىنىنا سەنىمدى بولىپ وتىر.

كومپانيا وكىلى حابارلاعانداي، ۇشۋشى اۆتوموبيل ماسساچۋسەتس تەحنولوگيالىق ينستيتۋتى ماماندارىنىڭ قاتىسۋىمەن جاسالعان. قازىرگى كۇندەرى TF- X قوندىرعىسىنىڭ ءبىرىنشى پروتوتيپى تاپ وسى وقۋ ورنىنداعى اەروديناميكالىق تۇربادا تەكسەرۋدەن وتۋدە. كولىك جاساۋشىلاردىڭ ايتۋلارىنشا، ۇشۋشى جابدىقتىڭ 300 اتتىڭ كۇشىنە تەڭ ەكى جىلجىمالى قاناتى بار. سولاردىڭ كومەگىمەن TF- X ساعاتىنا 322 شاقىرىمدىق جىلدامدىقپەن ۇشا الادى.

ۇشۋ كەزىندە ماشينانى اۆتوپيلوت باسقارادى. مۇنداي قوزعالىس قۇرالىنىڭ ەگەسىنە كومپيۋتەرگە باراتىن جەردى ايتىپ بەرسە، جەتىپ جاتىر. سودان سوڭ جولاۋشىنى قوناتىن نۇكتەگە بارىنشا قىسقا جولمەن ونىڭ ءوزى الىپ بارادى.

«بولاشاقتىڭ اۆتوموبيلىن» ويلاپ تابۋشىلار وزدەرىنىڭ باستى ماقساتى جولاۋشى مەن جۇكتى «ەسىكتەن-ەسىككە» الىپ باراتىن، كادىمگى ماشينا ءتارىزدى گاراجعا سىيىپ كەتە بەرەتىن كولىك جاساۋ بولىپ تابىلاتىنىن اتاپ ءوتتى. ءبىراق ولار وزدەرى شىعارعان يننوۆاتسياعا اۆتوموبيل رەتىندە قاراپ وتىرعان جوق.