ب ا ق: رەسەي، ۆەنەسۋەلا، ساۋد ارابياسى جانە كاتار ەلدەرىنىڭ مۇناي بويىنشا كەزدەسۋى ناۋرىزدا وتەدى
بۇل تۋرالى ۆەنەسۋەلانىڭ مۇناي جانە كەن رۋداسى ونەركاسىبى ءمينيسترى ەۋلوحيو دەل پينو جەرگىلىكتى تۆ ەفيرىندە ءمالىم ەتتى، دەپ حابارلادى Bloomberg.
ول سونداي- اق مۇناي ءوندىرۋشى ەلدەر كەزدەسۋىنىڭ ورنى ازىرگە تالقىلانىپ جاتقانىن ايتتى. سونىمەن قاتار بۇل ەلدەر جانە رەسەي شىلدە ايىندا تاعى دا كەزدەسىپ، مۇناي ءوندىرۋ دەڭگەيىن تەجەپ، ۇستاپ تۇرۋ ونىڭ باعاسىنا قالاي اسەر ەتەتىنىن باعالاۋ ءۇشىن كەزدەسۋدى جوسپارلاۋدا، دەپ جازادى ت ا س س.
«مۇنايدى نارىققا بۇرىنعى كولەمدە شىعارۋعا بولمايدى. ەگەر بۇل جاعداي ساقتالاتىن بولسا، وندا ءبىز مۇناي باعاسىنىڭ ابدەن كۇيرەۋىنە دۋشار بولامىز»، - دەدى دەل پينو.
قازىرگى كەزدە مۇنايدى ەكسپورتتايتىن جەتەكشى ەلدەرمەن مۇناي ءوندىرۋدى تەجەپ ۇستاۋ مۇمكىندىكتەرى جونىندە كەلىسسوزدەر وتكىزىلۋدە.
