مەسسي مۇرتازاعا سىي جاسادى

 استانا. قازاقپارات - كاتالوندىق «بارسەلونا» مەن ارگەنتينا ۇلتتىق قۇراماسىنىڭ شابۋىلشىسى ليونەل مەسسي الەۋمەتتىك جەلىدە الەم نازارىن اۋدارعان اۋعانستاندىق بالا مۇرتازاعا سىي جاسادى.

 «Unicef Afghanistan» تاراتقان اقپارات بويىنشا، الەمنىڭ ۇزدىك فۋتبولشىسى مۇرتازا مەن ونىڭ وتباسىنا قولتاڭباسى قويىلعان جەيدەسىن بەرىپ جىبەرگەن.

- مەن مەسسيدى جاقسى كورەمىن، ال ماعان سىيعا تارتقان جەيدەدە مەنى مەسسيدىڭ جاقسى كورەتىنى جازىلعان، - دەيدى مۇرتازا باسىلىمدارعا بەرگەن سۇقباتىندا.

ايتا كەتەيىك، ليونەل مەسسي ب ۇ ۇ- نىڭ بالالار قورى (UNICEF) جونىندەگى ۇيىمىنىڭ بەلدى مۇشەلەرىنىڭ ءبىرى.

massaget.kz