تايلاندتا عالىمدار بەزگەكتى تاراتپاۋ ءۇشىن ماسالاردىڭ كوبەيۋ قابىلەتىن جويماق

 دەپ حابارلايدى رەسەيلىك ت ا س س اگەنتتىگى.

ۇلتتىق يادرولىق تەحنولوگيالار ينستيتۋتىندا بىرنەشە ايدان بەرى جاسىل بەزگەكتى ماسالارعا سىناق جۇرگىزىلۋدە. قان سورعىش جاندىكتىڭ وسى ءتۇرى دەنگە بەزگەگى مەن زيكا ۆيرۋسىن ادامعا جۇقتىرادى. تاجىريبە بارىسىندا عالىمدار ماسا انالىعىن رادياتسيانىڭ شاعىن دوزاسىمەن ساۋلەلەندىرۋ كەزىندە زارارسىزداندىرۋعا، ياعني ۇرپاق ءوربىتۋ قابىلەتىنەن ايىرۋعا بولاتىنىن انىقتادى. جاندىكتىڭ جۇپتاسۋ قابىلەتى جويىلمايدى، تەك ساۋلەگە شالدىققان ماسا مەن جۇپتاسقاننان كەيىن انالىقتىڭ جۇمىرتقاسى دەرناسىلگە اينالمايدى.

سىناقتى اياقتاۋعا 3-4 اي قاجەت. ەندىگى سىناق ماسانىڭ تىرشىلىك ەتۋ ورتاسىندا جاسالۋ جوسپارلانىپ وتىر. ماماندار زارارسىزداندىرىلعان انالىق ماسالار جابايى تابيعات جاعدايىندا كادىمگى قان سورعىشتارمەن باسەكەلەسە الا ما، جوق پا، ازىرگە ونى بىلمەيدى. ەگەر تەحنولوگيا ءتيىمدى بولسا، عالىمدار بەزگەك كوپ تارالعان اۋماققا ساۋلەلەندىرىلگەن ماسالار جىبەرۋدى كوزدەپ وتىر.