رەسەي پايداسىنا تىڭشىلىق جاساعان ءۇش ادام سوتتالدى
ەستونيا پروكۋراتۋراسى سوتتالعانداردى كونترابانديستەر دەپ اتاپ، ولارعا قارسى سوت قازان- اقپان ايلارى ارالىعىندا وتكەنىن حابارلادى دەپ جازادى «ازاتتىق».
سوت ءۇش ادامدى ەكى جىلدان ءتورت جىل ون ايعا دەيىنگى مەرزىمگە دەيىن باس بوستاندىعىنان ايىرۋ ۇكىمىن كەستى.
تەرگەۋ مالىمەتتەرى بويىنشا، سوتتالعاندار رەسەي ارنايى قىزمەتىنە ەستونيانىڭ بارلاۋ، اسكەري قۇرىلىمدار مەن شەكارا اسكەرى جانە قاۋىپسىزدىك قىزمەتىنىڭ وپەراتسيالارى جانە قوزعالىسى تۋرالى اقپارات بەرگەن.
سوتتالعاندار - ەستونيالىق الەكساندر رۋدنيەۆ پەن ماكسيم گرۋزديەۆ جانە ازاماتتىعى جوق پاۆەل رومانوۆ. ۇشەۋى دە - ەتنيكالىق ورىستار.
ناتو قۇرامىنا كىرەتىن ەستونيا سوڭعى ۋاقىتا كورشىلەس ۋكرايناداعى جاعدايعا قاتىستى جانە شەكاراعا جاقىن ايماقتا رەسەي اسكەريلەرى بەلسەندىلىگىنىڭ كۇشەيگەنىنە قاتتى الاڭداي باستادى.
