عالىمدار باۋىردى ەمدەيتىن جاڭا ءدارى ويلاپ تاپتى
استانا. قازاقپارات - قاراعاندى عالىمدارى ادامنىڭ باۋىرىن ەمدەيتىن جاڭا ءدارىنى ويلاپ تاپتى. «ونىڭ اعزاعا اسەرى شەتەلدىك پرەپاراتتارمەن سالىستىرعاندا 7-8 ەسەگە جوعارى»، - دەيدى ماماندار.
حيميالىق قوسىلىستى العاش رەت 1994- جىلى عالىم، اكادەميك، قاراعاندى مەملەكەتتىك تەحنيكالىق ۋنيۆەرسيتەتىنىڭ رەكتورى ارىستان عازاليەۆ جاساپ شىعارعان بولاتىن.
سودان بەرگى 22 جىل ىشىندە وتاندىق ءدارى تالاي مارتە تەكسەرىستەن ءوتىپ، كەيىن وعان «سيتافات» دەگەن اتاۋ بەرىلگەن. الدىمەن جان- جانۋارلارعا تەكسەرىلگەن دارىگە كەيىن كلينيكالىق زەرتتەۋلەر جاسالدى. ءۇش كەزەڭ بويىنشا جۇرگىزىلەتىن زەرتتەۋدىڭ العاشقى ەكەۋى جاقسى ناتيجە كورسەتكەن. قازىر كلينيكالىق زەرتتەۋدىڭ سوڭعى كەزەڭى نازاربايەۆ ۋنيۆەرسيتەتىنىڭ بازاسىندا ءوتىپ جاتىر. سونىڭ قورىتىندىسى بويىنشا، وتاندىق ونىمگە سەرتيفيكات بەرىلىپ، وندىرىسكە دەندەپ ەنگىزىلمەك.
«تەك قانا قازاقستاندا وسەتىن وسىمدىكتەردەن جاسالاتىن بۇل ءدارى ەكولوگيالىق جاعىنان وتە تازا»، - دەيدى عالىمدار. ءارى ەكونوميكالىق تۇرعىدان دا ءتيىمدى بولماق، ياعني باعاسى ارزان بولادى.
گۇلجازيرا بازارقۇلوۆا، زەرتحانا قىزمەتكەرى - الدىندا جاسالعان ءونىمنىڭ كەرى اسەرلەرى بولعان بولاتىن. ال قازىرگى كەزدە جاڭا ادىسپەن الىنعان ءونىمنىڭ كەرى اسەرى از. ويتكەنى مۇنىڭ قۇرامىندا ادامنىڭ دەنساۋلىعىنا كەرى اسەر ەتەتىن زياندى زاتتار الىنىپ تاستالدى. سوندىقتان دا بۇل ءونىم ءوزىنىڭ بەلسەندىلىگىن جاقسى كورسەتۋى ءتيىس.
www.khabar.kz
