بوكسشى قازاق قىزى موڭعوليا چەمپيونى اتاندى
KAZNEWS اقپارات پورتالىنىڭ مالىمەتىنشە، 48 كەلى سالماقتا شارشى الاڭعا شىققان نۇرجاميلا بارلىق قارسىلاستارىنان باسىم ءتۇسىپ، التىن مەدالعا قول جەتكىزگەن. سونداي- اق، ول جارىستىڭ «ۇزدىك سپورتشىسى» اتاعىن قوسا يەلەنىپتى.
18 جاستاعى نۇرجاميلا باين- ولگيدەگى قازاق جاستارى اراسىنان شىققان تالانتتى سپورتشىلاردىڭ قاتارىندا. بۇل ونىڭ ءبىرىنشى رەتكى جەتىستىگى ەمەس. قارىنداسىمىز 2013 -جىلى موڭعول ەلىنىڭ جاسوسپىرىمدەر اراسىندا وتكەن باسەكەسىندە توپ جارىپ، رەسپۋبليكا چەمپيونى بولعان ەدى. موڭعوليا جاسوسپىرىمدەر قۇراماسىنىڭ قاتارىندا شەتەلدەرگە دە بارىپ، جارىسقا قاتىسقان.
سول جاقتان ءبىرىنشى تۇرعان نۇرجاميلا باتىربەكىزى
ال، وسى رەت 15-20 - اقپان ارالىعىندا وتكەن ەل چەمپيوناتىندا تاعى ءبىر قانداسىمىز س. گۇلداۋرەن 51 كەلى سالماقتا سىنعا ءتۇسىپ، قولا جۇلدە ەنشىلەپتى.
دەرەككوز: BAQ. KZ
