ۋكراينا ۇشقىشسىز باسقارىلاتىن اسكەري قۇرىلعىلار ءوندىرىسىن قولعا الدى

«فۋريا» كەشەنى كوكتە ەكى ساعات قالىقتاپ، ەمىن-ەركىن 50 شاقىرىمدى باعىندىرا الادى. ونىڭ ەڭ جوعارعى جىلدامدىعى ساعاتىنا 130 شاقىرىمعا بارادى.

بارلاۋ قىزمەتىن اتقاراتىن ۇشۋ قۇرالى كۇندىزگى جانە تۇنگى وپتيكالىق باقىلاۋ جۇيەسىمەن جاراقتالعان.

وندىرۋشىلەر ونىڭ باعاسى يمپورتتىق بالامالاردان ءۇش ەسە ارزان دەپ وتىر. ءۇش ۇشۋ اپپاراتىنان تۇراتىن ءبىر اۆياتسيالىق كەشەننىڭ قۇنى 92 مىڭ ا ق ش دوللارى بولادى.

وسىنداي 5 ۇشاقتى سىناقتان وتكىزۋ ءۇشىن بارلىعى ەلدىڭ اسكەري قاقتىعىستار ءجۇرىپ جاتقان اۋماقتارىنا جەتكىزىلدى.

ارتەم ۆيۋننيك، «اتلون اۆيا» كومپانياسىنىڭ ديرەكتورى:

- قازىرگى تاڭدا بۇل ۇشقىشسىز ۇشاتىن اپپاراتتار اسكەري تاپسىرمالاردى ورىنداپ ءجۇر. الايدا ولار ۋكراينانىڭ قارۋلى كۇشتەرىنە تولىقتاي بەرىلگەن جوق. ءبىز ازىرگە ۇشۋ قۇرالدارىنىڭ كەمشىلىكتەرىن انىقتاۋ ماقساتىندا ولاردى سىناقتان وتكىزىپ جاتىرمىز. بولاشاقتا اتالعان ۇشاقتاردى ەكسپورتقا شىعارۋ جوسپارىمىز دا بار.

www.24.kz