ا ق ش رەسەيمەن تەكەتىرەستە تۇركيانى قولدايتىنىن ايتتى
بۇل تۋرالى «ۆەستي. رۋ» دەرەگىنە سىلتەمە جاساپ ras.kz حابارلادى.
وسىنى جەتكىزگەن اق ءۇيدىڭ رەسمي وكىلى دجوش ەرنەست انكارا مەن ماسكەۋدىڭ اراسى بىلتىر كۇزدە تۇركيا كەڭىستىگىنە كىرىپ كەتكەن رەسەي ۇشاعى اتىپ تۇسىرىلگەننەن كەيىن بۇزىلعانىن ەسكە سالدى.
«ا ق ش ولاردىڭ اراسىنداعى ەگەستىڭ قارقىنىن باسۋعا شاقىرعانىمەن، رەسەيدىڭ ايماقتاعى ارانداتۋشىلىق ارەكەتتەرى كەزىندە تۇركيا مەن ناتو-داعى ارىپتەستەرىنە يىعىن توسەيتىن بولادى»، - دەدى ول.
رەسەي سىرتقى ىستەر ءمينيسترى جۇما كۇنى تۇركيانىڭ ءوز اسكەرلەرىن سيريانىڭ سولتۇستىگىنە كىرگىزۋ جونىندەگى جوسپارىن جاريالاۋىنا بايلانىستى سيريا-تۇرىك شەكاراسىنداعى جاعدايدىڭ ۋشىعا تۇسكەنىن مالىمدەدى.
رەسەي سىرتقى ىستەر مينيسترلىگىنىڭ رەسمي وكىلى ماريا زاحاروۆا رەسەي دەوەگاتسياسىنىڭ ب ۇ ۇ قاۋىپسىزدىك كەڭەسىنە «سيريانىڭ ەگەمەندىگى مەن تەرريتورياسىنىڭ تۇتاستىعىنا نۇقسان كەلتىرەتىن جانە ب ۇ ۇ ق ك- ءنىڭ 2254-قارارىنا قايشى كەلەتىن، سونداي-اق سيرياداعى بەيبىت پروتسەستى بۇزۋعا كۇش سالاتىن كەز-كەلگەن ارەكەتتى توقتاتۋ» جونىندەگى قاراردىڭ جوباسىن ۇسىنۋعا نيەتتى بولىپ وتىرعانىن جەتكىزدى.
