تۇركيا مەن ا ق ش باسشىلارى سيريا جايلى سويلەستى
مالىمدەمەدە وبامانىڭ تۇركيانىڭ ءوز- ءوزىن قورعاۋعا قۇقىعىن قۋاتتاپ، ناتو ۇيىمىنا مۇشە تۇركياعا قولداۋ بىلدىرگەنى ايتىلعان. سونىمەن بىرگە، ەكى ەلدىڭ باسشىلارى ىشىندە كۇرد جۇمىسشى پارتياسى جاساعى دا بار تەرروريستىك توپتارعا قارسى كۇرەستە ءوزارا ءىس- ارەكەتتى نىعايتۋعا كەلىستى دەپ حابارلاندى.
بۇعان دەيىن جۇما كۇنى ەردوعان سيريالىق كۇردتەردىڭ «دەموكراتيالىق وداق» پارتياسى «امەريكالىق قارۋدى بەيبىت تۇرعىندارعا قارسى قولداندى» دەپ مالىمدەگەن. تۇركيا «دەموكراتيالىق وداق» پارتياسىن انكاراداعى جارىلىسقا بايلانىستى ايىپتاپ، سيريانىڭ سولتۇستىگىندە وسى ۇيىمنىڭ قارۋلى توپتارىنا قارسى شايقاسىپ جاتىر.
تۇركيا پرەزيدەنتى رەجەپ ەردوعان باتىس ەلدەرىنىڭ «دەموكراتيالىق وداق» پارتياسىن تەررورلىق ۇيىم دەپ تانۋدان باس تارتىپ وتىرعانىنا قىنجىلىس بىلدىرگەن.
جۇما كۇنى «كۇردىستان ازاتتىق قارشىعاسى» دەپ اتالاتىن كۇردتەردىڭ قارۋلى جاساعى انكارادا 17 - اقپاندا 28 ادامنىڭ ءومىرىن قيعان جارىلىسقا جاۋاپكەرشىلىكتى موينىنا الاتىنىن مالىمدەگەن.
«ازاتتىق»
