ۇمتىلعان جالامىق

 «جىلىمىقتى ءبىلۋشى ەدىك، ال ەندى مىنا جالامىق دەگەن نە ەدى؟ » دەپ كىم- كىمدى دە ويلاندىرىپ تاستايدى ەكەن. سونىمەن ول نە ەكەن؟ زات پا، تاعام با؟ وقىپ كورىڭىز. بىزدىكى، ءبىر ءسوز بولسا دا، ۇعىمى تۇسىنىكتى قالپىندا جادىڭىزدا جۇرە بەرسىنشى دەگەن ىزگى نيەت قانا.

جالامىق - تاعام اتاۋى ەكەن. ءسىرا، بىلامىققا جاناستىرىلىپ شىققان اتاۋ بولسا كەرەك. سوڭعى كەزدە باۋىرساققا ۇيقاستىرىپ، «باۋىرداق» دەگەن جاڭا تاعام اتاۋىن شىعارعانى سياقتى عوي.

جالامىق - سۇتكە ۇن قوسىپ، ونىڭ ۇستىنە قانت، ماي ارالاستىرىپ جاسالاتىن ءتاتتى تاعام. نەگىزىنەن تۇيە نەمەسە قوي سۇتىنەن جاسالعان جالامىق ايرىقشا ءدامدى بولادى. وعان اسىرەسە جاس بالالار وتە قۇمار كەلەدى.

 جالامىقتى ەم رەتىندە دە پايدالانادى. تۇيە سۇتىنەن جاسالعان جالامىقتى جىڭىشكە اۋرۋدى ەمدەۋگە قارسى قولدانادى. ەگەر اشقارىنعا كۇنىنە ءۇش مەزگىل جالامىق ءىشىپ تۇرسا، اتالمىش سىرقاتتان قۇلان- تازا ايىعۋعا بولادى ەكەن.

بۇل تاعامنىڭ جالامىق اتالۋى، جالاۋ، ياعني، تىلمەن جالاپ جەۋگە بايلانىستى بولسا كەرەك دەگەن دە بولجام بار. كەي وڭىرلەردە بۇل تاعامدى «بىلامىق ىلمە» دەپ تە اتايدى ەكەن.

تولەگەن جاكىتاي ۇلى

namys.kz