ك. ساعاديەۆ: سالىق زيمانوۆ - قازاق تاريحىن دا تەرەڭ زەرتتەگەن زاڭگەر

 بۇگىندە س. زيمانوۆتىڭ زەرتتەۋلەرى قازاقستان مەن ورتا ازيا رەسپۋبليكالارىندا ساياسي تاريح پەن ساياسي- قۇقىقتىق عىلىمعا قوسقان قوماقتى ۇلەسى رەتىندە باعالانىپ وتىر.

 «ءومىرىنىڭ سوڭعى ساعاتىنا دەيىن بىرگە بولعان اعامىز ەدى. قازاق عىلىمىنا، سونىڭ ىشىندە، زاڭ عىلىمىنا، ۇلتتىق عىلىم اكادەمياسىنا سىڭىرگەن ەڭبەگى ەرەكشە. ەگەمەندىكتى ەندى العان كەزدە تاۋەلسىز قازاقستاننىڭ زاڭ عىلىمىنىڭ نەگىزىن قالاعان عالىمداردىڭ بىرەگەيى دە - سالىق زيمانوۆ»، - دەيدى دوڭگەلەك ۇستەلدى اشقان ەكونوميكا عىلىمدارىنىڭ دوكتورى، پروفەسسور، ق ر  ۇ ع ا اكادەميگى كەنجەعالي ساعاديەۆ.

 س. زيمانوۆ قازاق تاريحىن دا تەرەڭ زەرتتەگەنىن ايتا كەلە ك. ساعادييەۆ: «الاش ازاماتتارى تۋرالى دا تالاي ەستەلىك، دەرەكتەردى سالىق زيمانوۆ اعامىزدان ەستىگەن ەدىم»، - دەپ ەسكە الدى.

سالىق زيمانوۆ قوعام جانە مەملەكەت قايراتكەرى، زاڭگەر، زاڭ عىلىمدارىنىڭ دوكتورى پروفەسسور، قازاقستان رەسپۋبليكاسى ۇلتتىق عا- نىڭ اكادەميگى، قازاقستان رەسپۋبليكاسىنىڭ ەڭبەك سىڭىرگەن عىلىمي قايراتكەرى. زيمانوۆ ءوزىنىڭ «قازاقتاردىڭ 19 ع- دىڭ 1-جارتىسىنداعى قوعامدىق قۇرىلىسى»، «قازاقستاننىڭ 18 - عاسىردىڭ سوڭى مەن 19-دىڭ العاشقى جارتىسىنداعى ساياسي قۇرىلىسى» اتتى ەڭبەكتەرىندە جانە «اباي ەرەجەلەرى» اتتى عىلىمي ماقالاسىندا ابايدىڭ قازاق تاريحىنداعى الاتىن ورنىنا جوعارى باعا بەرىپ، قازاقتاردىڭ ادەت- عۇرىپ زاڭدارىن جەتىلدىرۋگە قوسقان ۇلەسى مەن پراۆولىق كوزقاراستارىن سارالادى.

اۆتور: كەنجەكەي توقتامۇرات قىزى