قازاق ءتىلدى پەرنەتاقتانى بايقاعاندا ءوزىن جويىپ جىبەرەتىن ترويان انىقتالدى

  دەپ جازادى Cnews سايتى.

Windows قۇرىلعىعا زالال كەلتىرەتىن ترويان كومپيۋتەردەن قازاق تىلىمەن قاتار، بەلورۋس، ورىس جانە ۋكراين تىلىندەگى پەرنەتاقتالاردى بايقاسا ءوزىن ءوزى جويىپ جىبەرەتىندىگى انىقتالعان.

 «شاماسى بۇل ۆيرۋستى ازىرلەۋشىلەردىڭ ماركەتينگىلىك ماقساتىنا بايلانىستى سەكىلدى، مىسالى ولار ت م د ەلدەرىنە تروياننىڭ باسقا نۇسقاسىن تاراتۋى مۇمكىن»، - دەيدى «دوكتورا ۆەب» كومپانياسىنىڭ ساراپشىسى پاۆەل شالين.

جاڭا ترويان BackDoor. Andromeda.1407 دەپ اتالدى. ونىڭ نەگىزگى ماقساتى - ۆيرۋس جازعانداردىڭ بۇيرىقتارىن ورىنداۋ، ونىڭ ىشىندە زالالدى باعدارلامالىق قامتىلىمدى جۇكتەۋ جانە ورناتۋ، دەيدى ماماندار.