ا ق ش- تا تۋريستەرگە ارنالعان عارىش كەمەسىنىڭ ەكىنشى نۇسقاسى تانىستىرىلادى

 بۇل تۋرالى جاڭا تەحنولوگيا تاقىرىبىندا جازاتىن The Verge پورتالى حابارلايدى.

سايتتىڭ جازۋىنشا، قازىرگى كەمەنىڭ سىرتقى ءتۇرى 2014 - جىلى قازان ايىندا كاليفورنيا شتاتىنىڭ وڭتۇستىگىندە موحاۆە شولىندە اپاتقا ۇشىراعان بۇرىنعى مودەلگە ۇقسامايدى. تەرگەۋشىلەر كەمەنىڭ اپاتقا ۇشىراۋىنا پيلوتتىڭ قاتەلىگى سەبەپ بولدى دەگەن شەشىمگە كەلگەن. سالدارىنان ءبىر پيلوت قازا تاۋىپ، ەكىنشىسى جاراقات العان.

قازىرگى عارىش كەمەسى جەتىلدىرىلگەن، ونىڭ كوپ فۋنسيالارى اۆتوماتتى باسقارىلادى. ونى سىناۋ جىل سوڭىندا قولعا الىنادى.

SpaceShipTwo تەك تۋريستىك ماقساتتا ازىرلەنگەن. جەردى 100 ك م بيىكتەن تاماشالاۋ، سالماقسىزدىق كۇيىن باستان كەشىرۋ ساپارى ەكى ساعاتقا سوزىلادى، ونىڭ قۇنى 250 مىڭ دوللار كولەمىندە بولادى دەپ كۇتىلۋدە.

وندا التى جولاۋشى، ەكى پيلوتقا ورىن قاراستىرىلعان. عارىشتا بولۋعا قازىردىڭ وزىندە 800-دەن استام ادام ءوتىنىش بەرگەن. ولاردىڭ قاتارىندا اكتەرلار توم حەنكس پەن اندجەلينا دجولي دە بار.